କଞ୍ଚା କଦଳୀ ଖାଇବାକୁ ବହୁତ ଲୋକ ପସନ୍ଦ କରନ୍ତି ନାହିଁ । ସାଧାରଣତଃ ପାଚିଲା କଦଳୀ ଖାଇବାକୁ ପ୍ରାୟ ସମସ୍ତେ ଭଲପାଆନ୍ତି। କିନ୍ତୁ କଞ୍ତା କଦଳୀରେ ଅନେକ ଚମତ୍କାରୀ ଗୁଣ ଅଛି ଯାହାକି ଆପଣ ପାଚିଲା କଦଳୀରୁ ମଧ୍ୟ ପାଇବେ ନାହିଁ । କଞ୍ଚା କଦଳୀରୁ ଶରୀର ପାଇଁ ଆବଶ୍ୟକୀୟ ଅନେକ ପୋଷକ ତତ୍ତ୍ବ ମିଳିଥାଏ ।ଆସନ୍ତୁ ଜାଣିବା କଞ୍ଚା କଦଳୀ ଖାଇବା ଦ୍ବାରା ଆଉ କ’ଣ ସବୁ ଲାଭ ମିଳେ –
ପ୍ରତିଦିନ କଞ୍ଚାକଦଳୀ ଖାଇଲେ ହାଡ଼ ମଜଭୂତ ହୋଇଥାଏ। କଦଳୀରେ ଏକ ପ୍ରକାର ସ୍ୱତନ୍ତ୍ର ପ୍ରୋବାୟୋଟିକ୍ ରହିଥାଏ, ଯାହା ହାଡ଼ରେ ଦେଖିଯାଉଥିବା କ୍ୟାଲସିୟମର ଅଭାବକୁ ପୂରଣ କରିଥାଏ।
କଞ୍ଚାକଦଳୀରେ ପୋଟାସିୟମ ପ୍ରଚୁର ମାତ୍ରାରେ ରହିଥାଏ, ଯାହା ଆପଣଙ୍କ ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ। ଏହାକୁ ଖାଇବା ଦ୍ୱାରା ମଧ୍ୟ ଦିନ ତମାମ ଆପଣ ସକ୍ରିୟ ରହିଥାନ୍ତି।
କଞ୍ଚା କଦଳୀରେ ମ୍ୟାଗ୍ନେସିୟମ ଥିବା ଯୋଗୁଁ ଅତି ସହଜରେ ଖାଦ୍ୟ ପାଚନ ହୋଇଥାଏ ଏବଂ ମେଟାବୋଲିଜିମକୁ ସୁସ୍ଥ ରଖିଥାଏ।
ଶିଶୁ କଞ୍ଚାକଦଳୀ ଖାଇବା ସ୍ୱାସ୍ଥ୍ୟପକ୍ଷେ ଖୁବ୍ ଲାଭଦାୟକ ହୋଇଥାଏ।
କଞ୍ଚାକଦଳୀରେ ପ୍ରଚୁର ମାତ୍ରାରେ ପୋଟାସିୟମ ରହିଥାଏ, ଯାହା ରକ୍ତ ସଂଚାଳନ ଠିକ୍ ରଖିବା ସହ ରକ୍ତ ଚାପ ନିୟନ୍ତ୍ରଣ କରିଥାଏ।
କଞ୍ଚା କଦଳୀ ଆମାଶୟ ଏବଂ ଅନ୍ତ ଫୁଲିବା ସମସ୍ୟା ଦୂର କରିଥାଏ।
ଏହା ସହିତ କଞ୍ଚାକଦଳୀରେ ଭିଟାମିନ ବି-୬, ଭିଟାମିନ-ସି ଏବଂ ଆଣ୍ଟି ଅକ୍ସିଡାଣ୍ଟ ମଧ୍ୟ ରହିଛି, ଯାହା କୋଷିକାକୁ ପୋଷଣ ଦିଏ
