ନୂଆଦିଲ୍ଲୀ: ଭାରତରେ କରୋନାର ପ୍ରକୋପ ବୃଦ୍ଧି ପାଇବାରେ ଲାଗିଛି । ଦେଶରେ ପୂର୍ବ 24 ଘଣ୍ଟା ମଧ୍ୟରେ 92,071 ନୂଆ ମାମଲା ସାମ୍ନାକୁ ଆସିଅଛି । ଏହା ପୂର୍ବରୁ ଦେଶରେ 11 ସେପ୍ଟେମ୍ବରରେ ରେକର୍ଡ 97,570 ସଂକ୍ରମଣର ମାମଲା ଦର୍ଜ ହୋଇଥିଲା । ତେବେ 24 ଘଣ୍ଟାରେ 1136 ଲୋକ ପ୍ରାଣ ହରାଇଛନ୍ତି । ଦେଶରେ 2 ସେପ୍ଟେମ୍ବରରୁ ଲଗାତାର ପ୍ରତିଦିନ ଏକ ହଜାରରୁ ବେଶି ଲୋକଙ୍କର ମୃତ୍ୟୁ ହେଉଅଛି । କରୋନା ସଂକ୍ରମିତଙ୍କ ମୋଟ ସଂଖ୍ୟା 48 ଲକ୍ଷ ପାର ହୋଇଅଛି । ଦୁନିଆରେ ଏବେ ସଂକ୍ରମଣର ବେଶି ମାମଲା ଆମେରିକାରେ ଅଛି ।
ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ସଂଖ୍ୟା ମୁତାବକ, ଦେଶରେ ମୋଟ ସଂକ୍ରମିତ କରୋନା ସଂଖ୍ୟା ବର୍ତ୍ତମାନ 48 ଲକ୍ଷ 46 ହଜାର ହୋଇଯାଇଅଛି । ଏଥିମଧ୍ୟରୁ 79,722 ଜଣଙ୍କର ମୃତ୍ୟୁ ହୋଇଛି । ଆକ୍ଟିଭ ମାମଲା ସଂଖ୍ୟା 9 ଲକ୍ଷ 86 ହଜାର ହୋଇଅଛି ଏବଂ 37 ଲକ୍ଷ 80 ହଜାର ଲୋକ ଏହି ରୋଗରୁ ଆରୋଗ୍ୟ ହୋଇଛନ୍ତି । ସଂକ୍ରମଣର ଆକ୍ଟିଭ ମାମଲା ତୁଳନାରେ ସୁସ୍ଥ ଲୋକଙ୍କ ସଂଖ୍ୟା ପ୍ରାୟ ଚାରି ଗୁଣ ଅଧିକ ଅଟେ ।
