ଭୁବନେଶ୍ୱର : ପନିପରିବା ମୂଲ୍ୟରେ ଏହି ସମୟରେ ଏକ ବଡ ବୃଦ୍ଧି ଘଟୁଛି ଏବଂ ରାଜ୍ୟର ଲୋକଙ୍କୁ ଏହି ଦୈନନ୍ଦିନ କାର୍ଯ୍ୟ ସାମଗ୍ରୀ ପାଇଁ ଅନେକ ପକେଟ ଖାଲି କରିବାକୁ ପଡୁଛି । ଟମାଟୋ ପିଆଜ ପରି ପ୍ରତ୍ୟେକ ଘରେ ବ୍ୟବହୃତ ପନିପରିବା ମୂଲ୍ୟ ଆକାଶକୁ ସ୍ପର୍ଶ କରୁଛି । ଏଭଳି ପରିସ୍ଥିତିରେ ସାଧାରଣ ଲୋକଙ୍କ ପାଇଁ ସେମାନଙ୍କ ରୋଷେଇ ଘରର ବଜେଟ୍ ପରିଚାଳନା କରିବା କଷ୍ଟସାଧ୍ୟ ହୋଇପଡୁଛି ।
ଆକାଶରେ ପିଆଜ ଏବଂ ଆଳୁର ମୂଲ୍ୟ
ପନିପରିବାର ବର୍ତ୍ତମାନର ମୂଲ୍ୟକୁ ଦେଖିବା ତ ଏହି ସମୟରେ ପିଆଜର ମୂଲ୍ୟ 65-70 ଟଙ୍କା କିଲୋରେ ପହଞ୍ଚିଛି । ଆଳୁ ମୂଲ୍ୟ ସେଇଭଳି କିଲୋ ପ୍ରତି 45ରୁ 50 ଟଙ୍କାରେ ବିକ୍ରି ହେଉଛି । ଟମାଟୋ ମୂଲ୍ୟ 60 ଟଙ୍କା ମଧ୍ୟରେ, ଯାହା ଲୋକଙ୍କ ଉପରେ ବହୁତ ଭାରୀ ଲାଗୁଛି । ଯେହେତୁ ଫୁଲକୋବି ଏକ ଶୀତକାଳୀନ ପନିପରିବା ଏହା ମଧ୍ୟ ଉଚ ଦରରେ ବିକ୍ରି ହେଉଛି । ଫୁଲକୋବି ବର୍ତ୍ତମାନ ସାମାନ୍ୟ ସାଇଜ 4ଟିକୁ 100 ଟଙ୍କା ମୂଲ୍ୟରେ ବିକ୍ରି ହେଉଛି । ବଜାରରେ ସଜନା ଛୁଇଁର ମୂଲ୍ୟ ଭଲ ମନ୍ଦ ଦେଖିକରି କିଲୋ ପ୍ରତି 150-200 ଟଙ୍କା ରହିଛି । ଆମର ଅତି ଆବଶ୍ୟକ ଲଙ୍କା ଯାହାର ମୂଲ୍ୟ କିଲୋ ପ୍ରତି 200 ଟଙ୍କା ରହିଛି । ବାଇଗଣର ମୂଲ୍ୟ 40 ରହିଛି । ଦେଶୀ କାଙ୍କଡ଼ ତା କଥା ନକହିବା ଭଲ ଯାହାର ମୂଲ୍ୟ କିଲୋ ପ୍ରତି 200-250 ରହିଛି ।
ଖମ୍ବ ଆଳୁ ମଧ୍ୟ ଶସ୍ତା ନୁହେଁ
ପ୍ରତ୍ୟେକ ଘରେ ପ୍ରତିଦିନ ଖାଉଥିବା ଆଳୁ କିଲୋକୁ 45-50 ଟଙ୍କା ମୂଲ୍ୟରେ ବିକ୍ରି ହେଉଛି ଯେଉଁଥିପାଇଁ ଗୃହଣୀ ମାନଙ୍କ ମନରେ ପ୍ରଶ୍ନ ଉଠୁ ଅଛି କି କେଉଁ ପନିପରିବା କିଣିବା ଯାହା ଘରର ବଜେଟ୍ ବିଗିଡ଼ିବ ନାହିଁ ଏବଂ ଘରର ସଦସ୍ୟମାନଙ୍କ ସ୍ୱାଦର ଚାହିଦା ମଧ୍ୟ ପୂରଣ କରିପାରିବ । ତେବେ ଅନ୍ୟ ପଟେ ଯଦି ଆପଣ ଖମ୍ବ ଆଳୁର ମୂଲ୍ୟ ଦେଖନ୍ତି, ତେବେ ସେଗୁଡ଼ିକ କିଲୋଗ୍ରାମ ପିଛା 40 ଟଙ୍କାରୁ କମ୍ ନୁହେଁ । ଏହା ମଧ୍ୟରେ ଆଳୁ ଜାତୀୟ ପରିବା ସାରୁ ଟିକେ କମ ଦାମ ରହିଛି, ଯାହାର ମୂଲ୍ୟ ମଧ୍ୟ 30ରୁ କମ ନୁହେଁ ।
ଶସ୍ତା ପନିପରିବା କ’ଣ?
ଶସ୍ତା ପନିପରିବା ବିଷୟରେ କହିବାକୁ ଗଲେ ଏହି ସମୟରେ ସାଧାରଣ ଲୋକଟେ ପାଇଁ ଏହା ମଧ୍ୟ ଭାରି ହେଉଛି । ବଜାରରେ ଜହ୍ନି ଯାହା କି କିଲୋଗ୍ରାମ 30 ଟଙ୍କା ମଧ୍ୟରେ ମିଳୁଛି ଏବଂ କମ୍ ଖାଉଥିବା ପରିବା କୁନ୍ଦୁରୁର ମୂଲ୍ୟ ମଧ୍ୟ ଏହା ଉପରେ ଅଛି । ଏଥି ସହିତ, ଅମୃତ ଭଣ୍ଡା ପରି କମ୍ ଖାଉଥିବା ପନିପରିବା ମଧ୍ୟ କିଛି ଶସ୍ତା ମୂଲ୍ୟରେ ଉପଲବ୍ଧ ।
