ମୁମ୍ବାଇ : ବଲିଉଡ କୁଇନ କଙ୍ଗନା ରନାୱତ ଆଜିକାଲି ନିଜ ଫିଲ୍ମ ‘ଧାକଡ଼’ ପାଇଁ ଖବରରେ ଅଛନ୍ତି । ଏହି ଫିଲ୍ମ ପାଇଁ କଙ୍ଗନା କଠିନ ପରିଶ୍ରମ କରୁଛନ୍ତି । ପୂର୍ବରୁ ଏହି କୁଇନ ଫିଲ୍ମର ସେଟ୍ ରୁ ଫଟୋ ଏବଂ ଭିଡିଓ ସେୟାର୍ କରନ୍ତି ।
ନିକଟରେ କଙ୍ଗନା ଫିଲ୍ମର ସେଟରୁ ଆଉ ଏକ ନୂଆ ଫଟୋ ସେୟାର କରିଛନ୍ତି । ଏହି ଫଟୋରେ କଙ୍ଗନାଙ୍କ ଘାତକ ଲୁକ୍ ଦେଖିବାକୁ ମିଳୁଛି । ମୁହଁରେ ରକ୍ତ ଏବଂ ଆବେଗ ସ୍ପଷ୍ଟ ଦେଖାଯାଏ । ଫଟୋରେ କଙ୍ଗନାଙ୍କ ପଛରେ ଫିଲ୍ମର ନିର୍ଦ୍ଦେଶକ ରଜନୀଶ ଘାଇ ମଧ୍ୟ ନଜର ଆସିଛନ୍ତି । ରଜନୀଶଙ୍କ ଅଭିବ୍ୟକ୍ତିକୁ ଦେଖିଲେ ଲାଗୁଛି ଯେପରି ସେ କାହାକୁ ଭୟ କରାଉଛନ୍ତି ।
ଏହି ଛବି ଶେୟାର କରି କଙ୍ଗନା ଲେଖିଛନ୍ତି, “ଏହା ହେଉଛି ଆମର ଦଶମ ରାତିର ସୁଟିଂ ଯାହାକି 14 ଘଣ୍ଟା ଧରି ଚାଲିଥିଲା, ଯାହା ସକାଳେ ଶେଷ ହୋଇଥିଲା । ତଥାପି ଆମ ଚିଫ କୁହନ୍ତି – ତୁମେ ମୋତେ ରକ୍ତ ଦିଅ, ମୁଁ ତୁମକୁ ସ୍ୱାଧୀନତା ଦେବି । ମୁଁ ତ ତୁମର ଅଟେ, ଯାହା କରିବା କଥା କରାଇନିଅ । “
କଙ୍ଗନାଙ୍କୁ ଏହି ଫିଲ୍ମରେ ଜବରଦସ୍ତ ଆକ୍ସନ୍ କରୁଥିବା ଦେଖିବାକୁ ମିଳିବ, ଯେଉଁଥିପାଇଁ ସେ କଠିନ ପରିଶ୍ରମ କରୁଛନ୍ତି । ଫିଲ୍ମର ଏକ ଆକ୍ସନ୍ ଦୃଶ୍ୟ ପାଇଁ 25 କୋଟି ଟଙ୍କା ଖର୍ଚ୍ଚ କରାଯାଇଛି । କଙ୍ଗନା ନିଜେ ସୋସିଆଲ ମିଡିଆରେ ଏହା କହିବା ସହିତ ଆକ୍ସନ୍ ଦୃଶ୍ୟର ପ୍ରସ୍ତୁତିର ଏକ ଭିଡିଓ ମଧ୍ୟ ସେୟାର କରିଛନ୍ତି ।
‘ଧାକଡ଼’ ବ୍ୟତୀତ କଙ୍ଗନା ପାଖରେ ଆହୁରି ମଧ୍ୟ ଅନେକ ବଡ଼ ପ୍ରକଳ୍ପ ରହିଛି ଯେଉଁଥିରେ ତାଙ୍କୁ ସ୍ୱର୍ଗତ ମୁଖ୍ୟମନ୍ତ୍ରୀ ଜୟଲଳିତାଙ୍କ ବାୟୋପିକ୍ ‘ଥଲାଇବି’ରେ ଦେଖିବାକୁ ମିଳିବ । ଏହା ସହିତ କଙ୍ଗନାଙ୍କୁ ଫିଲ୍ମ ‘ତେଜସ୍’ରେ ମଧ୍ୟ ଦମଦାର ଭୂମିକାରେ ଦେଖିବାକୁ ମିଳିବ ।
