IPL 2021 SRH vs DC: ୟୁଏଇରେ ମଧ୍ୟ କରୋନା ଆଇପିଏଲ୍ ଉପରେ ଭାରି ପଡୁଥିବା ମନେହୁଏ । ସନରାଇଜର୍ସ ହାଇଦ୍ରାବାଦ (SRH) ଖେଳାଳି ଟି-ନଟରାଜନ୍ କରୋନା ପଜିଟିଭ୍ (COVId-19) ବୋଲି ଜଣାପଡିଛନ୍ତି । ନଟରାଜନଙ୍କ ସଂସ୍ପର୍ଶରେ ଆସିଥିବା 6 ଜଣ ସଦସ୍ୟଙ୍କୁ ଆୟୁସୋଲେସନରେ ପଠାଯାଇଛି । କହିବାକି, ଦିଲ୍ଲୀ କ୍ୟାପିଟାଲସ ଏବଂ ହାଇଦ୍ରାବାଦର ମ୍ୟାଚ୍ 22 ସେପ୍ଟେମ୍ବର ଅର୍ଥାତ୍ ଆଜି ସନ୍ଧ୍ୟାରେ ଖେଳାଯିବ । ପାଖାପାଖି ସମ୍ପର୍କ ସମେତ ସମସ୍ତ ଅବଶିଷ୍ଟ ଖେଳାଳିଙ୍କ RT-PCR ପରୀକ୍ଷା ଆଜି ସ୍ଥାନୀୟ ସମୟ 5 ଟା ସମୟରେ କରାଯାଇଥିଲା ଏବଂ ସମସ୍ତଙ୍କ ଟେଷ୍ଟ ନେଗେଟିଭ ଆସିଥିଲା । ଫଳସ୍ୱରୂପ, ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ସନରାଇଜର୍ସ ହାଇଦ୍ରାବାଦ ଏବଂ ଦିଲ୍ଲୀ କ୍ୟାପିଟାଲ ମଧ୍ୟରେ ଆଜି ରାତିର ଖେଳ ଖେଳାଯିବ । ବିସିସିଆଇ ଏହା ନିଶ୍ଚିତ କରିଛି ।
କହିବାକି, ମେ ମାସରେ, କରୋନା କାରଣରୁ ଆଇପିଏଲ୍ ସ୍ଥଗିତ ରଖାଯାଇଥିଲା । କିନ୍ତୁ ବର୍ତ୍ତମାନ ଦୁବାଇରେ ମଧ୍ୟ କରୋନା ଆଇପିଏଲ ଉପରେ ଭାରି ପଡୁଅଛି, ଯାହା ନିଶ୍ଚିତ ଭାବେ ଆଶ୍ଚର୍ଯ୍ୟଜନକ ଏବଂ ଚିନ୍ତାଜନକ । ନିକଟରେ କରୋନା ଭୟ ଯୋଗୁଁ ଭାରତ ଇଂଲଣ୍ଡ ବିପକ୍ଷରେ ପଞ୍ଚମ ଟେଷ୍ଟ ମ୍ୟାଚ୍ ଖେଳିବାକୁ ମନା କରିଦେଇଥିଲା ।
ଆଇପିଏଲର ଦ୍ୱିତୀୟ ପର୍ଯ୍ୟାୟରେ ଏପର୍ଯ୍ୟନ୍ତ କେବଳ 3 ଟି ମ୍ୟାଚ୍ ଖେଳାଯାଇଛି, ଆଜି ଚତୁର୍ଥ ମ୍ୟାଚ୍ ଦୁବାଇରେ ଖେଳାଯିବ । ପ୍ରଥମ ମ୍ୟାଚ୍ରେ ସିଏସକେ ମୁମ୍ବାଇକୁ ପରାସ୍ତ କରିଥିବାବେଳେ ବାଙ୍ଗାଲୋରକୁ କେକେଆର ହାତରେ ପରାଜୟର ସାମ୍ନା କରିବାକୁ ପଡିଥିଲା । ଏହା ବ୍ୟତୀତ ପଞ୍ଜାବ କିଙ୍ଗସକୁ ରାଜସ୍ଥାନ 2 ୱିକେଟରେ ପରାସ୍ତ କରିଛି ।
