Shaheed Diwas 2022: ଆଜି ଶହୀଦ ଦିବସ ପାଳନ କରାଯାଉଛି । 23 ମାର୍ଚ୍ଚ 1931 ରେ ଭଗତ ସିଂହ, ରାଜଗୁରୁ ଏବଂ ସୁଖଦେବଙ୍କୁ ବ୍ରିଟିଶମାନେ ଫାଶୀ ଦେଇଥିଲେ। ମାତ୍ର 23 ବର୍ଷ ବୟସରେ ଭଗତ ସିଂହ ନିଜ ସାଥୀମାନଙ୍କ ସହିତ ହସି ହସି ନିଜକୁ ଫାଶୀ ଖୁଣ୍ଟରେ ଚଢାଇ ଦେଇଥିଲେ । ଏହି ଅବସରରେ ଦେଶ ନିଜର ସାହସୀ ପୁଅ ଭଗତ ସିଂହ, ସୁଖଦେବ ଏବଂ ରାଜଗୁରୁଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛି ।
ଉଲ୍ଲେଖନୀୟ କଥା ହେଉଛି, ଲାହୋର ଷଡ଼ଯନ୍ତ୍ର ମାମଲାରେ ମୃତ୍ୟୁଦଣ୍ଡ ଦିଆଯିବା ପରେ ଭଗତ ସିଂହ, ସୁଖଦେବ ଏବଂ ରାଜଗୁରୁଙ୍କୁ ଆଜି ଦିନରେ ବ୍ରିଟିଶ ସରକାର ଫାଶୀ ଦେଇଥିଲେ । ତେଣୁ, ତାଙ୍କ ବଳିଦାନକୁ ମନେପକାଇ ସେମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ପାଇଁ 23 ମାର୍ଚ୍ଚ ‘ଶହୀଦ ଦିବସ’ ଭାବରେ ପାଳନ କରାଯାଏ ।
ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ୍ କରି ଭଗତ ସିଂହ, ସୁଖଦେବ ଏବଂ ରାଜଗୁରୁଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସେ କହିଛନ୍ତି ଯେ ମାତୃଭୂମି ପାଇଁ ନିଜ ଜୀବନକୁ ଉତ୍ସର୍ଗ କରିବାର ଭାବନା ଦେଶବାସୀଙ୍କୁ ପ୍ରେରଣା ଯୋଗାଇବ । ପ୍ରଧାନମନ୍ତ୍ରୀ ମୋଦୀ ତାଙ୍କ ଟ୍ୱିଟରେ ଲେଖିଛନ୍ତି, ‘ଶହୀଦ ଦିବସରେ, ମା ଭାରତର ଅମର ପୁତ୍ର ବୀର ଭଗତ ସିଂହ, ସୁଖଦେବ ଏବଂ ରାଜଗୁରୁଙ୍କୁ ନମସ୍କାର । ମାତୃଭୂମି ପାଇଁ ଜୀବନ ଦେବା ପାଇଁ ତାଙ୍କର ଭାବନା ଦେଶବାସୀଙ୍କୁ ପ୍ରେରଣା ଯୋଗାଇବ । ଜୟ ହିନ୍ଦ ।
ଆମେ ଆପଣଙ୍କୁ କହିରଖୁଛୁ ଯେ, ଡିସେମ୍ବର 1928 ରେ ଭଗତ ସିଂହ, ରାଜଗୁରୁ ଏବଂ ସୁଖଦେବ ଲାଲା ଲାଜପତ ରାୟଙ୍କ ହତ୍ୟାର ପ୍ରତିଶୋଧ ନେବା ପାଇଁ ଲାହୋରରେ ବ୍ରିଟିଶ ଅଧିକାରୀ ଜେମ୍ସ ସ୍କଟଙ୍କୁ ହତ୍ୟା କରିବାର ଯୋଜନା କରିଥିଲେ । ଭୁଲରେ ଏହି ତିନିଜଣ ଯୁବକଙ୍କ ଆକ୍ରମଣରେ ପୋଲିସ୍ ଅଧୀକ୍ଷକ ଜନ୍ ସାଉଣ୍ଡର୍ସ ପ୍ରାଣ ହରାଇଥିଲେ । ଏହା ପରେ 23 ମାର୍ଚ୍ଚ 1931 ରେ ଏହି ତିନି ଯୋଦ୍ଧାଙ୍କୁ ଫାଶୀ ଦିଆଯାଇଥିଲା ।
