ପରଜଙ୍ଗ : ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ୍ ପଥରଖମ୍ବ ଗ୍ରାମର ଜୟ ବଜରଙ୍ଗଵାଲୀ କ୍ରିକେଟ କ୍ଳବ ଆନୁକୁଲ୍ୟରେ ୮ଦିନ ଧରି ଚାଲିଥିବା କ୍ରିକେଟ ଟୁର୍ଣ୍ଣାମେଣ୍ଟ ଶୁକ୍ରବାର ଅପରାହ୍ନ ୫ଟାରେ ଉଦଯାପିତ ହୋଯାଇଛି । ଏହି ଟୁର୍ଣ୍ଣାମେଣ୍ଟରେ ୧୬ ଗୋଟି ଟିମ୍ ଅଂଶଗ୍ରହଣ କରିଥିଲେ ।
ଫାଇନାଲ ମ୍ୟାଚଟି କଙ୍କଡ଼ାହାଡ଼ ବ୍ଲକ ଗଡ଼ପଳାଶୁଣି ଦଳ ଓ ପରଜଙ୍ଗ ବ୍ଲକ ଚାନ୍ଦପୁର ଦଳ ମଧ୍ୟରେ ତିନୋଟି ପର୍ଯ୍ୟାୟରେ ମ୍ୟାଚ୍ ଅନୁଷ୍ଠିତ ହୋଇଥିଲା। ପ୍ରଥମେ ଗଡ଼ପଳାଶୁଣି ଦଳ ବ୍ୟାଟି କରି ୮ ଓଭର ଶେଷ ସୁଦ୍ଧା ୯ ୱକେଟ ହରାଇ ୮୦ ରନ୍ ସଂଗ୍ରହ କରିଥିଲା ତାର ଜବାବରେ ଚାନ୍ଦପୁର ଦଳ ୬ ୱିକେଟ ହରାଇ ୮୧ରନ୍ କରି ବିଜୟୀ କରିଥିଲା । ଦ୍ବିତୀୟ ମ୍ୟାଚ୍ ଟି ଚାନ୍ଦପୁର କ୍ରିକେଟ ଦଳ ପ୍ରଥମେ ବ୍ୟାଟିଂ କରି ୬ ଓଭରରେ ୪ୱିକେଟ ବିନିମୟରେ ୮୫ ରନ୍ ସଂଗ୍ରହ କରିଥିଲା ତାର ଜବାବରେ ଗଡ଼ପଳଶୁଣି ଦଳ ୬ ଓଭର ଶେଷ ସୁଦ୍ଧା ୪ ଗୋଟି ୱିକେଟ ହରାଇ ୭୧ ରନ୍ କରି ପରାଜୟ ହୋଇଥିଲା ବେଳେ ଚାନ୍ଦପୁର ଦଳ ବିଜୟୀ ହୋଇଥିଲା ।
ପଥରଖମ୍ବ ଗ୍ରାମ୍ୟ ସଭାପତି ଗଣେଶ୍ଵର ସାହୁ ଓ ସମ୍ପାଦକ ପ୍ରଣବ ବେହେରା ଯୋଗଦେଇ ବିଜେତା ଓ ଉପବିଜେତା ଦଳକୁ ପୁରସ୍କାର ପ୍ରଦାନ କରିଥିଲେ । ମ୍ୟାନ ଅଫ ଦି ମ୍ୟାଚ୍ ମ୍ୟାନ ଅଫ ସିରିଜ୍ ଲିପୁ ସାହୁ ଚାନ୍ଦପୁର ଦଳ ପକ୍ଷରୁ ବିବେଚିତ ହୋଇଥିଲେ । ଜିତେନ୍ଦ୍ର ସାହୁ ଓ ବିକାଶ ସାହୁ ଖେଳ ପରିଚାଳନା କରିଥିଲେ । କ୍ଲବ୍ର ସୁନିଲ ସାହୁ, ନରି ବିଶ୍ଵାଳ, ଶମ୍ଭୁନାଥ ସାହୁ, ରାହୁଲ ସାହୁ, ବିକାଶ ସାହୁ ଏବଂ ଅନ୍ୟ ସମସ୍ତ ସଦସ୍ୟମାନେ ଉପସ୍ଥିତି ରହି ସହଯୋଗ କରିଥିଲେ ।
