ନୂଆଦିଲ୍ଲୀ : ଭାରତୀୟ ଜନତା ପାର୍ଟି (BJP)ର ପିଲିଭିତ ସାଂସଦ ବରୁଣ ଗାନ୍ଧୀ ପୁଣି ଥରେ ନିଜ ସରକାରକୁ ଟାର୍ଗେଟ କରିଛନ୍ତି । ଏଥର ବରୁଣ ଗାନ୍ଧୀ ବେକାରି ପ୍ରସଙ୍ଗରେ ନିଜ ସରକାର ଉପରେ ପ୍ରଶ୍ନ ଉଠାଇଛନ୍ତି । ଦେଶରେ ମହଙ୍ଗାଇ ପରେ ବେକାରୀ ସମସ୍ୟା ହେଉଛି ସବୁଠାରୁ ବଡ ପ୍ରସଙ୍ଗ । ଏହା ଉପରେ ବରୁଣ ଗାନ୍ଧୀ ନିଜ ସରକାରକୁ କାଠ ଗଡ଼ାରେ ରଖିଛନ୍ତି । ବେରୋଜଗାରୀ ପ୍ରସଙ୍ଗରେ ବିରୋଧୀ ସରକାର ଉପରେ ଟାର୍ଗେଟ କରୁଅଛି, ଏବେ ବିଜେପି ସାଂସଦ ମଧ୍ୟ ବେରୋଜଗାରୀ ବିଷୟରେ ନିଜ ସରକାର ଉପରେ ପ୍ରଶ୍ନ କରିଛନ୍ତି ।
କେନ୍ଦ୍ରରେ ସେନା, ପୋଲିସ, ସ୍ୱାସ୍ଥ୍ୟ ଇତ୍ୟାଦି ବିଭିନ୍ନ ବିଭାଗରେ ଖାଲି ପଡ଼ିଥିବା ପଦବୀ ସମ୍ପର୍କରେ ବିଜେପି ସାଂସଦ ବରୁଣ ଗାନ୍ଧୀ ଟୁଇଟ୍ କରିଛନ୍ତି । ସେ କହିଛନ୍ତି, “ଯେତେବେଳେ ବେକାରି 3 ଦଶନ୍ଧିର ସର୍ବୋଚ୍ଚ ସ୍ତରରେ ଅଛି, ସେତେବେଳେ ଏହି ସଂଖ୍ୟା ଆଶ୍ଚର୍ଯ୍ୟଜନକ ଅଟେ । ନିଯୁକ୍ତି ଅଭାବରୁ କୋଟି କୋଟି ଯୁବକ ନିରାଶ ଓ ହତାଶ ହୋଇଥିବାବେଳେ ‘ସରକାରୀ ସଂଖ୍ୟା’କୁ ମାନିବା ତ ଦେଶରେ 60 ଲକ୍ଷ ‘ସ୍ୱୀକୃତ ପଦବୀ’ ଖାଲି ଅଛି । କୁଆଡେ ଗଲା ଏହି ବଜେଟ, ଯାହା ପଦ ପାଇଁ ଆବଣ୍ଟିତ ଥିଲା ? ଏହା ଜାଣିବା ପ୍ରତେକ ନୌଜବାନଙ୍କର ହକ ଅଟେ ।
ବିଜେପି ସାଂସଦ ବରୁଣ ଗାନ୍ଧୀ ସରକାରଙ୍କ ଭୁଲ ନୀତିକୁ ନେଇ ସବୁବେଳେ ପ୍ରଶ୍ନ ଉଠାଇଛନ୍ତି । ଯଦିଓ ଏହା ତାଙ୍କ ନିଜ ଦଳର ସରକାର ଅଟେ । ଏଥର ସେ କେନ୍ଦ୍ରରେ ଥିବା ନିଜର ବିଜେପି ସରକାର ଦେଶରେ ସ୍ୱୀକୃତ ସରକାରୀ ପଦବୀରେ ନିଯୁକ୍ତି ନ ଦେବା ମନିଚ୍ଛାକୁ ନେଇ ପ୍ରଶ୍ନ କରିଛନ୍ତି । କହିବାକୁ ଗଲେ, ଦେଶରେ ଖାଲି ପଡ଼ିଥିବା ସରକାରୀ ପଦବୀ ସମ୍ପର୍କରେ ବରୁଣ ଗାନ୍ଧୀ କେନ୍ଦ୍ରରେ ମୋଦୀ ସରକାରଙ୍କୁ ସିଧାସଳଖ ଆକ୍ରମଣ କରିଛନ୍ତି ।
ବରୁଣ ଗାନ୍ଧୀ କହିଛନ୍ତି ଯେ ଦେଶରେ ବେକାରୀ 3 ଦଶନ୍ଧି ମଧ୍ୟରେ ସର୍ବୋଚ୍ଚ ସ୍ତରରେ ଥିବାବେଳେ ଏହି ସଂଖ୍ୟା ଆଶ୍ଚର୍ଯ୍ୟଜନକ ଅଟେ । ବାସ୍ତବରେ, ବରୁଣ ଗାନ୍ଧୀ ଦେଶର ବିଭିନ୍ନ ସରକାରୀ ବିଭାଗରେ ସ୍ୱୀକୃତ ଖାଲି ପଦବୀ ସମ୍ପର୍କିତ ତଥ୍ୟକୁ ନିଜ ଟ୍ୱିଟ୍ ମାଧ୍ୟମରେ ସେୟାର କରିଛନ୍ତି । ସେହି ଅନୁଯାୟୀ, ଦେଶର ବିଭିନ୍ନ ସରକାରୀ ବିଭାଗରେ 60 ଲକ୍ଷରୁ ଅଧିକ ସ୍ୱୀକୃତ ପଦବୀ ଖାଲି ପଡିଛି । ଯେଉଁଥିରେ କେନ୍ଦ୍ର ସରକାର, ସ୍ୱାସ୍ଥ୍ୟ ସେବା, ଶିକ୍ଷା ବିଭାଗ, ସେନା, ପୋଲିସ, କୋର୍ଟର ବିଭିନ୍ନ ବିଭାଗରେ ହଜାର ହଜାର ସ୍ୱୀକୃତ ପଦବୀ ଖାଲି ପଡିଛି ବୋଲି ଦାବି କରାଯାଇଛି ।
