ପରଜଙ୍ଗ : ଗୁରୁବାର ମୁକ୍ତାପସି ସରକାରୀ ଉ:ପ୍ରା ବିଦ୍ୟାଳୟରେ କ୍ଲଷ୍ଟର ସଂଯୋଜକ ସରୋଜ କୁମାର ସାହୁଙ୍କ ଅଧ୍ୟକ୍ଷତାରେ କ୍ଲଷ୍ଟର ସ୍ତରୀୟ ନିପୁଣ ଓଡିଶା ମେଳା ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ପରଜଙ୍ଗ ଅତିରିକ୍ତ ଗୋଷ୍ଠି ଶିକ୍ଷ୍ୟା ଅଧିକାରୀ ତରଣୀ କୁମାର ସିଂହ ଯୋଗ ଦେଈଥିବାବେଳେ ସମ୍ମାନିତ ଅତିଥି ଭାବରେ ବିଦ୍ୟାଳୟର SMC ର ସଭାପତି ଜନ୍ମେଜୟ ସେନାପତି, ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଅଞ୍ଜଳି ସାହୁ, ଜୟପୁରା କାଟେଣୀ କ୍ଲଷ୍ଟର ସଂଯୋଜକ ଶ୍ରୀଯୁକ୍ତ ବ୍ରହ୍ମାନନ୍ଦ ବେହେରା ଯୋଗ ଦେଇଥିଲେ ।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପଂଚାୟତ ପ୍ରତିନିଧି, ଗୋଷ୍ଠି ସଦସ୍ୟ, ଅଙ୍ଗନୱାଡି କର୍ମୀ, ଅଭିଭାବକ ଓ ଛାତ୍ରଛାତ୍ରୀମାନେ ଯୋଗ ଦେଇଥିଲେ । ତେବେ ଏଥିରେ 9ଟି ସ୍କୁଲର FLN ଉତ୍ସର୍ଗୀକୃତ ଶିକ୍ଷକ/ଶିକ୍ଷୟତ୍ରୀମାନେ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନର ସର୍ବୋତ୍ତମ ଅଭ୍ୟାସ ପ୍ରଦର୍ଶିତ କରିଥିଲେ ।
ଏଥି ମଧ୍ୟରୁ କାମର୍ଦା କୋଲ୍ହସାହିର ଶିକ୍ଷୟତ୍ରୀ ଶ୍ରୀମତୀ ସୁମିତ୍ରା ସର୍ଦାରଙ୍କର ପ୍ରଦର୍ଶନ ଶ୍ରେଷ୍ଠ ବିବେଚିତ ହୋଇ ବ୍ଲକ ସ୍ତରକୁ ମନୋନୀତ ହୋଇଥିଲା । କ୍ଲଷ୍ଟରର ଛାତ୍ରଛାତ୍ରୀମାନେ ଚିତ୍ରାଙ୍କନ, ଗପ କହିବା, ଗୀତ, ନାଚ ଇତ୍ୟାଦି ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ ଏବଂ ସେମାନଙ୍କୁ ପୁରସ୍କୃତ କରାଯାଇଥିଲା । ସର୍ବଶେଷରେ ପଞ୍ଚାୟତ ପ୍ରତିନିଧି, ଗୋଷ୍ଠି ସଦସ୍ୟ ଓ ଅଭିଭାବକମାନେ ନିପୁଣ ଓଡିଶା ମେଳା ସମ୍ବନ୍ଧରେ ମୂଲ୍ୟବାନ ମତାମତ ପ୍ରଦାନ କରିଥିଲେ ।
ଏହି କାର୍ଯ୍ୟକ୍ରମରେ ବିଦ୍ୟାଳୟର ଅନ୍ୟାନ୍ୟ ଶିକ୍ଷକ/ଶିକ୍ଷୟତ୍ରୀ ସୁମିତ୍ରା ନାୟକ, କଲ୍ପନାମୟୀ ସାହୁ, ଅନିତା ପ୍ରଧାନ, ପ୍ରଦୀପ ଷେଣ୍ଢ, ମୋହିନୀ କୁମାରୀ ମିଶ୍ର ଓ ସବିତା ମିଶ୍ର ସହଯୋଗ କରିଥିଲେ ।
