ନୂଆଦିଲ୍ଲୀ : କେନ୍ଦ୍ର ସରକାର ଆଜିଠାରୁ ଦେଶର ପ୍ରତ୍ୟେକ ରାଜ୍ୟରେ 18 ବର୍ଷରୁ ଅଧିକ ନାଗରିକମାନଙ୍କୁ ମାଗଣା ଟିକା ପ୍ରଦାନ କରୁଛନ୍ତି । 21 ଜୁନ ମଧ୍ୟ ଅନ୍ତରାଷ୍ଟ୍ରୀୟ ଯୋଗ ଦିବସ ଏବଂ କରୋନା ଟୀକାକରଣକୁ ନେଇ ପୁଣି ଆଉ ଥରେ ଦେଶରେ ମହାଅଭିଯାନ ଆରମ୍ଭ ହୋଇଅଛି । କେନ୍ଦ୍ର ସରକାର ନିଜେ ଭ୍ୟାକସିନ ଉତ୍ପାଦନର 75 ପ୍ରତିଶତ ଟିକା କିଣିବେ ଏବଂ ଏହାକୁ ରାଜ୍ୟ ସରକାରଙ୍କୁ ମାଗଣାରେ ଦେବେ । ବାକି ରହିଥିବା ଅବଶିଷ୍ଟ 25 ପ୍ରତିଶତ ଟିକାକୁ ସିଧାସଳଖ ଉତ୍ପାଦକମାନଙ୍କଠାରୁ ଘରୋଇ ଡାକ୍ତରଖାନାଗୁଡ଼ିକ କିଣି ପାରିବେ ।
ଅଦ୍ୟାବଧି, ମେ 1 ରୁ ନୂତନ ସଂଶୋଧିତ ନିର୍ଦ୍ଦେଶାବଳୀ ଅନୁଯାୟୀ, ଉତ୍ପାଦିତ ଟିକା ମଧ୍ୟରୁ 50 ପ୍ରତିଶତ କେନ୍ଦ୍ର କ୍ରୟ କରୁଥିଲେ । ଏଥି ସହିତ ରାଜ୍ୟ ସରକାର ଏବଂ ବେସରକାରୀ ଡାକ୍ତରଖାନାଗୁଡ଼ିକୁ ଅବଶିଷ୍ଟ 50% ସିଧାସଳଖ ଟିକା କମ୍ପାନୀରୁ କିଣିବାର ଅଧିକାର ଦିଆଯାଇଥିଲା । ବର୍ତ୍ତମାନ ଜାତୀୟ COVID ଟୀକାକରଣ ନିର୍ଦ୍ଦେଶାବଳୀ ସମୀକ୍ଷା ଏବଂ ସଂଶୋଧନ କରାଯାଇଛି ।
