ସାଧାରଣତଃ ଶୀତଦିନେ କନ୍ଦମୂଳ ପ୍ରଚୁର ପରିମାଣରେ ମିଳିଥାଏ । ଏହା ପାଟିକୁ ସୁଆଦିଆ ମଧ୍ୟ ଲାଗିଥାଏ । ଆମେ କନ୍ଦମୂଳରେ ବିଭିନ୍ନ ପ୍ରକାର ଖାଦ୍ୟ ପ୍ରସ୍ତୁତ କରି ଖାଇବାକୁ ପସନ୍ଦ କରିଥାଉ । କିନ୍ତୁ ଆପଣ ଜାଣିଛନ୍ତି କି ଏହି କନ୍ଦମୂଳ ଆପଣଙ୍କ ସ୍ୱାସ୍ଥ୍ୟ ପାଇଁ କେତେ ହିତକାରକ ହୋଇଥାଏ ? କନ୍ଦମୂଳରେ ଥିବା ପୋଷକ ତତ୍ତ୍ୱ ଅନେକ ରୋଗରୁ ମୁକ୍ତି ଦେଇଥାଏ । ତେବେ ଜାଣନ୍ତୁ କନ୍ଦମୂଳ ଖାଇବା ଦ୍ୱାର ଆମର କଣ ଉପକାର ହୋଇଥାଏ । ଏଥିରେ ଥିବା ପୋଷକ ତତ୍ତ୍ୱ ରକ୍ତରେ ଶର୍କରାର ମାତ୍ରାକୁ ନିୟନ୍ତ୍ରଣ କରିଥାଏ। ଏହାସହ ଏଥିରେ ଥିବା ଭିଟାମିନ ବି୬ ମଧୁମେହ ଓ ହୃଦୟ ରୋଗୀଙ୍କ ପାଇଁ ଖୁବ ଉତ୍ତମ।
କନ୍ଦମୂଳରେ ଭରପୂର ମାତ୍ରାରେ ଭିଟାମିନ ବି୬ ରହିଛି। ଏହାକୁ ଖାଇବା ଦ୍ୱାରା ଶରୀରକୁ ରୋଗରୁ ମୁକ୍ତି ମିଳିଥାଏ। ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ।
ଏହା ପୋଟାସିୟମର ମଧ୍ୟ ଏକ ଉତ୍ତମ ସ୍ରୋତ ଅଟେ। ଏହା ବୃକକକୁ ସୁସ୍ଥ ରଖିବା ପାଇଁ ସହାୟକ ହୋଇଥାଏ।
ଏଥିରେ ଫାଇବର, ଆଣ୍ଟି-ଅକ୍ସିଡ଼ାଣ୍ଟ, ଭିଟାମିନ, ଲବଣ ଭରପୂର ମାତ୍ରାରେ ରହିଛି। ଏହାସହ ଏଥିରେ ସାମାନ୍ୟ ପରିମାଣରେ କ୍ୟାଲୋରୀ ରହିଛି। ଏହାକୁ ଖାଇବା ଦ୍ୱାରା ଶରୀରରେ କୋଲେଷ୍ଟେରୋଲ ମାତ୍ରା ନିୟନ୍ତ୍ରଣ ହୋଇରହିଥାଏ।
କନ୍ଦମୂଳ ଭିଟାମିନ ଏର ଏକ ଉତ୍ତମ ସ୍ରୋତ। ଏହାର ସେବନ କରିବା ଦ୍ୱାରା ଶରୀରକୁ ୯୦ ଭାଗ ଭିଟାମିନ ଏ ମିଳିଥାଏ।
ଏଥିରେ ଭରପୂର ମାତ୍ରାରେ ଆଇରନ ରହିଛି। ଆଇରନର ଅଭାବ ହେବା ଦ୍ୱାରା ଶରୀରରେ ଶକ୍ତି ହ୍ରାସ ପାଇବା ସହ ରୋଗ ପ୍ରତିରୋଧକ କ୍ଷମତା ମଧ୍ୟ ପ୍ରଭାବିତ ହୋଇଥାଏ। ରକ୍ତ କୋଷ ସଠିକ ଭାବେ ଗଠନ ହୋଇପାରି ନଥାଏ। କନ୍ଦମୂଳ ଖାଇବା ଦ୍ୱାରା ଆଇରନର ଅଭାବ ଦୂର ହୋଇଥାଏ।
କନ୍ଦମୂଳ ଭିଟାମିନ ଡ଼ିର ଏକ ଉତ୍ତମ ସ୍ରୋତ ଅଟେ। ଏହି ଭିଟାମିନ ଦାନ୍ତ , ହାଡ଼ ତ୍ୱଚା ଏବଂ ଶିରାପ୍ରଶିରା ପାଇଁ ଖୁବ ଆବଶ୍ୟକ।
