ମୁମ୍ବାଇ : କବୀର ଖାନ ଏବଂ ସଲମାନ ଖାନଙ୍କ ଯୋଡି ବଲିଉଡର ଶ୍ରେଷ୍ଠ ଅଭିନେତା ତଥା ନିର୍ଦ୍ଦେଶକ ଯୋଡି ମଧ୍ୟରେ ଗଣାଯାଏ । ଏହି ଦୁଇଜଣ ଏକା ଥା ଟାଇଗର ଏବଂ ବଜରଙ୍ଗୀ ଭାଇଜାନ ଭଳି ଫିଲ୍ମରେ ଏକାଠି କାମ କରିଛନ୍ତି । ଉଭୟ ଫିଲ୍ମକୁ ଉଚ୍ଚ ପ୍ରଶଂସା ମିଳିଅଛି । ଏବେ ଫିଲ୍ମ ବଜରଙ୍ଗୀ ଭାଇଜାନ ରିଲିଜ ହେବାର 5 ବର୍ଷ ବିତିଗଲାଣି । ଏହି ଫିଲ୍ମର କାଷ୍ଟ ସହିତ ନିର୍ଦ୍ଦେଶକ କବୀର ଖାନ ମଧ୍ୟ ଏହାର ପଞ୍ଚମ ବାର୍ଷିକୀ ପାଳନ କରୁଛନ୍ତି । ଏହି ମୌକାରେ ଭିଡିଓ ସେୟାର କରି କବୀର ପୁରୁଣା ଦିନଗୁଡ଼ିକୁ ମନେ ପକାଉଛନ୍ତି ।
ଇନଷ୍ଟାଗ୍ରାମରେ ଏହି ଭିଡିଓ ସେୟାର କରି କବୀର ଖାନ ଲେଖିଛନ୍ତି – ଏକ ଫିଲ୍ମ ଯାହା ଆମର ହୃଦୟରୁ ବାହାରି ଥିଲା ଏବଂ ଯାହା ମୋ ପାଇଁ ସବୁବେଳେ ସ୍ୱତନ୍ତ୍ର ରହିବ କାରଣ ଆପଣ ସମସ୍ତେ ବଜରଙ୍ଗୀ ଭାଇଜାନଙ୍କୁ ଅପାର ପ୍ରେମ ଦେଇଥିଲେ । ତୁମର କୃତଙଜ୍ଞତା ପାଇଁ ଧନ୍ୟବାଦ । # 5 YearsOfBajrangiBhaijaan । ତେବେ କବୀର ଖାନ ଆଉ ଏକ ପୋଷ୍ଟ ମଧ୍ୟ ସେୟାର କରିଛନ୍ତି । ଏହି ପୋଷ୍ଟ ମାଧ୍ୟମରେ ସେ କହିଛନ୍ତି ଯେ ମୁକ୍ତିଲାଭ କରିବାର 5ବର୍ଷ ପରେ ମଧ୍ୟ ବଜରଙ୍ଗୀ ଭାଇଜାନ ଜାପାନର ପ୍ରେକ୍ଷାଳୟରେ ଚାଲିଛି । ସେ ଲେଖିଛନ୍ତି- 5 ବର୍ଷ ପରେ ମଧ୍ୟ ଏହା ଜାପାନର କିଛି ପ୍ରେକ୍ଷାଳୟରେ ଚାଲିଛି । # 5YearsOfBajrangiBhaijaan।
କବୀର ଖାନଙ୍କ ବ୍ୟତୀତ ସଲମାନ ଖାନ ମଧ୍ୟ ଟ୍ୱିଟରରେ ବଜରଙ୍ଗୀ ଭାଇଜାନର 5 ବର୍ଷ ପାଳନ କରିବାକୁ ଏକ ଭିଡିଓ ସେୟାର କରିଛନ୍ତି । ସଲମାନ ଖାନ ଫିଲ୍ମସ, ସଲମାନ ଖାନଙ୍କ ପ୍ରଡକ୍ସନ୍ ହାଉସ୍ ଅଧୀନରେ ନିର୍ମିତ ଏହା ପ୍ରଥମ ଫିଲ୍ମ ଥିଲା । ଏହି ଖୁସିରେ ତାଙ୍କର ପ୍ରଡକ୍ସନ ହାଉସ ଫିଲ୍ମ ସହିତ ଜଡିତ 5 ଟି ଯାଦୁଇ ଏବଂ ସ୍ମରଣୀୟ ମୂହୁର୍ତ୍ତର ଏକ ଭିଡିଓ ସେୟାର କରିଛି ।
କହିବାକି ଏହି ଫିଲ୍ମରେ ସଲମାନ ଖାନଙ୍କ ସହିତ କରୀନା କପୁର ଖାନ, ହର୍ଷଲି ମଲହୋତ୍ରା, ନୱାଜୁଦ୍ଦିନ ସିଦ୍ଦିକି ଏବଂ ଅନ୍ୟାନ୍ୟ କଳାକାରମାନେ କାମ କରିଛନ୍ତି । ଏହି ଫିଲ୍ମରେ ନୱାଜ ଚାନ୍ଦ ନବାବଙ୍କ ଭୂମିକାରେ ଅଭିନୟ କରିଥିଲେ, ଯାହା ପରେ ସେ ଏକ ଭିନ୍ନ ପରିଚୟ ପାଇଥିଲେ । ଏହି କାହାଣୀ ପୱନ ସିଂ ନାମକ ଜଣେ ବ୍ୟକ୍ତିଙ୍କ ବିଷୟରେ ଥିଲା, ଯିଏ 6 ବର୍ଷର ପାକିସ୍ତାନୀ ପିଲା ପାଇଥାଏ, ଯିଏ ପିତାମାତାଙ୍କଠାରୁ ଅଲଗା ହେବା ପରେ ଭାରତ ଆସିଯାଇଥିଲା । ପିଲାଟି କହିପାରୁ ନ ଥିବାରୁ ପୱନ ସିଂଙ୍କୁ ତାଙ୍କ ବିଷୟରେ ଜାଣିବାରେ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ପରେ ପୱନ ଶିଶୁ କନ୍ୟା ମୁନିଙ୍କୁ ନିଜ ଘରକୁ ଛାଡିଦେବା ଦାୟିତ୍ୱ ଗ୍ରହଣ କରିଥିଲା ।
