ମୁମ୍ବାଇ: କରୋନା ଭାଇରସ ସଂକ୍ରମଣର ଶିକାର ହୋଇଥିବା ଐଶ୍ଵର୍ଯ୍ୟା ରାୟ ବଚ୍ଚନ ଏବଂ ତାଙ୍କ ଆଠ ବର୍ଷର ଝିଅ ଆରାଧ୍ୟା ବଚ୍ଚନଙ୍କୁ କରୋନା ରିପୋର୍ଟ ନେଗେଟିଭ ଆସିବା ପରେ ଆଜି ମୁମ୍ବାଇର ନାନାବତୀ ଡାକ୍ତରଖାନାରୁ ଡିସଚାର୍ଜ କରାଯାଇଛି । ଅପରାହ୍ନ 3.25 ରେ ଡାକ୍ତରଖାନା ଛାଡିବା ସମୟରେ ଐଶ୍ଵର୍ଯ୍ୟା ରାୟ କାରରେ ପିପିଏ କିଟ୍ ପିନ୍ଧିଥିବାର ନଜର ଆସିଥିଲେ । ତାଙ୍କ କାର ପ୍ରାୟ 3.30 ସମୟରେ ‘ଜାଲସା’ ପାଖରେ ଥିବା ‘ୱତସ’ ବଙ୍ଗଳାକୁ ପ୍ରବେଶ କରିଥିଲା । ଉଭୟ ବଙ୍ଗଳା ଭିତରୁ ନିଜ ନିଜ ସାଥିରେ ଯୋଡି ହୋଇଛି ।
ଅଭିଷେକ ବଚ୍ଚନ ନିଜେ ଟୁଇଟ୍ କରି କହିଛନ୍ତି ଯେ ଐଶ୍ଵର୍ଯ୍ୟା ରାୟ ବଚ୍ଚନ ଏବଂ ତାଙ୍କର ଆଠ ବର୍ଷର ଝିଅ ଆରାଧ୍ୟା ବଚ୍ଚନ କରୋନା ମୁକ୍ତ ବୋଲି ସୂଚନା ଦେଇଛନ୍ତି । ଏହା ସାଥିରେ ମଧ୍ୟ ସେ ପ୍ରାର୍ଥନା ପାଇଁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ଅଭିଷେକ ଏହା ମଧ୍ୟ ସୂଚନା ଦେଇଛନ୍ତି ଯେ ସେ ଏବଂ ତାଙ୍କ ପିତା ଅମିତାଭ ବଚ୍ଚନ ବର୍ତ୍ତମାନ ଡାକ୍ତରଖାନାରେ ଡାକ୍ତରଙ୍କ ତତ୍ୱାବଧାନରେ ରହିବେ ।
କରୋନା ସଂକ୍ରମଣ ହେତୁ ଐଶ୍ଵର୍ଯ୍ୟା ଏବଂ ଆରାଧ୍ୟା ଜୁହୁ ସ୍ଥିତ ବଙ୍ଗଳା ‘ଜାଲସା’ରେ ଏକ ସପ୍ତାହ ପାଇଁ କ୍ଵାରିଣ୍ଟିନ୍ ହୋଇଥିଲେ । କିନ୍ତୁ ଜୁନ୍ 17 ରେ ଶ୍ୱାସ ନେବାରେ କଷ୍ଟ ଓ ଜ୍ୱର ହେତୁ ଐଶ୍ଵର୍ଯ୍ୟା ରାୟ ଏବଂ ଆରାଧ୍ୟାଙ୍କୁ ନାନାବତୀ ଡାକ୍ତରଖାନାରେ ଭର୍ତ୍ତି କରିବାକୁ ପଡିଥିଲା ।
କହିବାକି 11 ଜୁଲାଇକୁ କରୋନା ପଜିଟିଭ୍ ଆସିବାରୁ ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ନାନାବତୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସୂଚନାନୁସାରେ, ଅମିତାଭ ଏବଂ ଅଭିଷେକ ମଧ୍ୟ ଭଲ ଅଛନ୍ତି ଏବଂ ଉଭୟଙ୍କୁ ଶୀଘ୍ର ଡାକ୍ତରଖାନାରୁ ଡିସଚାର୍ଜ କରାଯାଇପାରିବ । ତେବେ ଅଭିଷେକ ତାଙ୍କ ଟ୍ୱିଟରେ ସୂଚନା ଦେଇନାହାଁନ୍ତି ଯେ ସେ ଏବଂ ଅମିତାଭଙ୍କୁ ଡାକ୍ତରଖାନାରୁ କେବେ ଡିସଚାର୍ଜ କରାଯିବ ।
