ମୁମ୍ବାଇ : ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା (Priyanka Chopra) ଆସାମ ପରେ ବିହାର ବନ୍ୟା ପୀଡିତଙ୍କୁ ସାହାଯ୍ୟ କରିବାକୁ ସାମ୍ନାକୁ ଆସିଛନ୍ତି । ପ୍ରିୟଙ୍କା ଚୋପ୍ରା ଏବଂ ତାଙ୍କ ସ୍ୱାମୀ ନିକ ଜୋନାସ (Nick Jonas) ବନ୍ୟା ପ୍ରଭାବିତ ରାଜ୍ୟ ବିହାରକୁ ମଧ୍ୟ ଦାନ କରିଛନ୍ତି । ବିହାରରେ 11 ଟି ଜିଲ୍ଲାର 25 ଲକ୍ଷ ଜନସଂଖ୍ୟା ବନ୍ୟା ପରିସ୍ଥିତି ସୃଷ୍ଟି ହୋଇଛି । ଏହି ବର୍ଷ ଏପର୍ଯ୍ୟନ୍ତ ବନ୍ୟା ଯୋଗୁଁ 8 ଜଣଙ୍କର ମୃତ୍ୟୁ ଘଟିଛି, ସେମାନଙ୍କ ମଧ୍ୟରୁ ଦାର୍ବାଙ୍ଗା ଏବଂ ପଶ୍ଚିମ ଚମ୍ପାରଣର ଚାରି-ଚାରି ଲୋକ ସାମିଲ ଅଛନ୍ତି । ପ୍ରିୟଙ୍କା ଚୋପ୍ରା (Priyanka Chopra) ପରିସ୍ଥିତିର ଗମ୍ଭୀରତାକୁ ଦୃଷ୍ଟିରେ ରଖି ସାହାଯ୍ୟ କରିବାକୁ ନିଷ୍ପତ୍ତି ନେଇଛନ୍ତି ।
ପ୍ରିୟଙ୍କା ଚୋପ୍ରା ଲେଖିଛନ୍ତି: “ଭାରତରେ ମୌସୁମୀ ଦେଶର କେତେକ ସ୍ଥାନରେ ବଡ ଧରଣର ଅଘଟଣ ଘଟାଇଛି । ବିହାର ରାଜ୍ୟ ଯେଉଁଠି ମୁଁ ଜନ୍ମ ହୋଇଥିଲି ସେଇଠି ଲଗାତାର ବର୍ଷା ହେତୁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଆସାମ ପରି ଏଠାରେ ମଧ୍ୟ ଲୋକମାନେ ପ୍ରଭାବିତ ହୋଇଛନ୍ତି ଏବଂ ଅନେକ ଲୋକ ବିସ୍ଥାପିତ ହୋଇଛନ୍ତି । ସେହି ଲୋକମାନେ ବିପର୍ଯ୍ୟୟ ସହ ସଂଘର୍ଷ କରୁଛନ୍ତି, ତାଙ୍କୁ ଯେତେଦୂର ସମ୍ଭବ ସାହାଯ୍ୟର ଆବଶ୍ୟକତା ଅଛି,ଯାହା ଆମ୍ଭେ କରି ପରିବା । ନିକ ଏବଂ ମୁଁ ପୂର୍ବରୁ କିଛି ସଂଗଠନକୁ ଦାନ କରିଅଛୁ ଯେଉଁ ଟିମ ରାଜ୍ୟରେ ସକ୍ରିୟ ଅଛନ୍ତି ଯେତିକି ସମ୍ଭବ ସାହାଯ୍ୟ ପାଇଁ ଆଗକୁ ଆସିଛୁ । ବର୍ତ୍ତମାନ ଏହା ତୁମର ପାଳି । “
ପ୍ରିୟଙ୍କା ଚୋପ୍ରା (Priyanka Chopra) ମଧ୍ୟ ନିଜର ପ୍ରଶଂସକଙ୍କୁ ସାହାଯ୍ୟ ପାଇଁ ଦାନ ଦେବାକୁ କହିଛନ୍ତି । ବିହାରର ବନ୍ୟା ପ୍ରଭାବିତ ଅଞ୍ଚଳରେ ବନ୍ୟା ପ୍ରଭାବିତ ହୋଇ ସୀତାମଢି, ଶିବହର, ସୁପୋଲ, କିଶାନଗଞ୍ଜ, ଦରବଙ୍ଗା, ମୁଜାଫରପୁର, ଗୋପାଳଗଞ୍ଜ, ପଶ୍ଚିମ ଚମ୍ପାରନ୍, ପୂର୍ବ ଚମ୍ପାରନ୍, ଖାଗଡ଼ିଆ ଏବଂ ସାରଣ ବନ୍ୟାରେ ପ୍ରଭାବିତ ହୋଇଛନ୍ତି । ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ (NDRF) ର 17 ଟି ଟିମ୍ ଏବଂ SDRF ର ଆଠଟି ଟିମ୍ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି । ବର୍ତ୍ତମାନ ସୁଦ୍ଧା ପ୍ରଭାବିତ ଅଞ୍ଚଳରୁ 1.67 ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି ।
