ମୁମ୍ବାଇ : ପ୍ରସିଦ୍ଧ ଲେଖକ ଚେତନ ଭଗତ ସୋସିଆଲ ମିଡିଆରେ ବହୁତ ସକ୍ରିୟ ଅଟନ୍ତି । ନିକଟରେ ସେ ତାଙ୍କର ନୂତନ ପୁସ୍ତକର ନାମ ପ୍ରକାଶ କରିଛନ୍ତି । ବାସ୍ତବରେ, ଚେତନ ଭଗତ ନିଜର ପୁସ୍ତକରୁ ପୁଣି ଥରେ ଲୋକଙ୍କ ପାଇଁ ଏକ ମହାନ କାହାଣୀ ଆଣିବାକୁ ଯାଉଛନ୍ତି । ଲେଖକଙ୍କ ଏହି ପୁସ୍ତକର ନାମ ହେଉଛି, ‘ୱାନ ଆରେଞ୍ଜଡ ମର୍ଡର (One Arranged Murder) ।’ ଚେତନ ଭଗତ ନିଜର ଟ୍ୱିଟର ହ୍ୟାଣ୍ଡେଲରେ ବୁକ୍ ର ନାମ ପ୍ରକାଶ କରୁଥିବା ଏକ ଭିଡିଓ ପୋଷ୍ଟ କରିଛନ୍ତି । ଏହି ଭିଡିଓରେ ସେ କହୁଛନ୍ତି, “ଆଜି 16 ଅଗଷ୍ଟ ଅଟେ ଏବଂ ମୁଁ ଯେପରି ପ୍ରତିଜ୍ଞା କରିଥିଲି ଯେ ମୁଁ ଆଜି ମୋର ନୂତନ ପୁସ୍ତକର ନାମ ଘୋଷଣା କରିବି । ମୁଁ କେବଳ ନାମ ଘୋଷଣା କରିବି କିନ୍ତୁ 17 ଅଗଷ୍ଟରେ ମୁଁ ପୁସ୍ତକର କଭର ପ୍ରକାଶ କରିବି ।”
ଭିଡିଓରେ ଚେତନ ଭଗତ ଆଗକୁ କହିଛନ୍ତି, “ମୋର ଏ ପୁସ୍ତକ କରୋନାଭାଇରସ୍ କାରଣରୁ ଟିକେ ବିଳମ୍ବ ହୋଇଛି । କିନ୍ତୁ ମୁଁ ଆଜି ଏଠାରେ ଅଛି ଏବଂ ମୋ ବହିର ନାମ ଘୋଷଣା କରୁଛି । ପୁସ୍ତକର ନାମ ‘ୱାନ ଆରେଞ୍ଜଡ ମର୍ଡର (One Arranged Murder) ।’ ବାସ୍ତବରେ, ଏହା ଏକ ‘ୱାନ ଆରେଞ୍ଜଡ ମରିଜ’ ଥିଲା କିନ୍ତୁ ‘ମରିଜ’ କଟାଯାଇ କରି ତାହାର ଜାଗାରେ ‘ମର୍ଡର’ ବଦଳାଯାଇଥିଲା । ନିଜର ପୁସ୍ତକକୁ ତୁମ ମାନଙ୍କ ଦ୍ୱାରା ପଢ଼ିବାକୁ ମୁଁ ଆଉ ଅପେକ୍ଷା କରିପାରିବି ନାହିଁ । “
ଚେତନ ଭଗତଙ୍କ ଏହି ଟୁଇଟ୍ ବହୁତ ଭାଇରାଲ୍ ହେବାରେ ଲାଗିଛି ଏବଂ ଲୋକମାନେ ଏହା ଉପରେ ନିଜର ପ୍ରତିକ୍ରିୟା ମଧ୍ୟ ଦେଉଛନ୍ତି । କହିବାକି, ବଲିଉଡରେ ଚେତନ ଭଗତଙ୍କ ପ୍ରସିଦ୍ଧ ପୁସ୍ତକ ଉପରେ ଅନେକ ଫିଲ୍ମ ନିର୍ମାଣ କରାଯାଇଛି, ଯାହା ଅତ୍ୟନ୍ତ ସୁପରହିଟ୍ ହୋଇଛି । ଏହି ଫିଲ୍ମ ଗୁଡ଼ିକ ମଧ୍ୟରେ ଆମୀର ଖାନଙ୍କ ‘3 ଇଡିଏଟ୍ସ’, ସଲମାନ ଖାନଙ୍କ ‘କିକ’, ଆଲିଆ ଭଟ୍ଟ ଏବଂ ଅର୍ଜୁନ କପୁରଙ୍କ ‘2 ଷ୍ଟେଟସ୍’ ଏବଂ ସୁଶାନ୍ତ ସିଂ ରାଜପୁତଙ୍କ ‘କାୟ ପୋ ଛେ’ ଫିଲ୍ମର ନାମ ଅନ୍ତର୍ଭୁକ୍ତ ।
