ମୁମ୍ବାଇ : ବରୁଣ ଧାୱନ ନିଜ ଗର୍ଲଫ୍ରେଣ୍ଡ ନତାଶା ଦଲାଲଙ୍କ ସହିତ ସୁଇମିଙ୍ଗ ପୁଲ ନିକଟରେ ବସି ଏକ ଫଟୋ ପୋଷ୍ଟ କରିଛନ୍ତି, ଯେଉଁଥିପାଇଁ ଏହି ସମୟରେ ସେ ଚର୍ଚାରେ ଅଛନ୍ତି । ଫଟୋ ପୋଷ୍ଟ କରି ବରୁଣ ଧାୱନ କ୍ୟାପସନରେ ଲେଖିଛନ୍ତି – ଯେପର୍ଯ୍ୟନ୍ତ ତୁମେ ମୋ ସାଥିରେ ଥିବ, ମୁଁ କୌଣସି ଜିନିଷକୁ ଭୟ କରେ ନାହିଁ । ସୋସିଆଲ ମିଡିଆରେ ଏହି ଫଟୋକୁ ଖୁବ ପସନ୍ଦ କରାଯାଉଛି ଏବଂ ଲୋକମାନେ ଏହା ଉପରେ କମେଣ୍ଟ ଦେଉଥିବାର ମଧ୍ୟ ଦେଖାଯାଉଛି । ଫଟୋରେ ଏହି ପାୱାର୍ କପଲଙ୍କ ଲୁକ୍ ବିଷୟରେ କହିବାକୁ ଗଲେ, ବରୁଣ ଏଥିରେ କମଳା ରଙ୍ଗର ପୋଷାକ ପିନ୍ଧିଥିବାବେଳେ ନତାଶା ଏକ ଲେଭେଣ୍ଡର ଡ୍ରେସରେ ନଜର ଆସିଛନ୍ତି । ଏହି ବର୍ଷ ଆରମ୍ଭରେ ନତାଶା ଦଲାଲଙ୍କ ଜନ୍ମଦିନରେ, ବରୁଣ ନତାଶାଙ୍କ ଏକ ଫଟୋ ପୋଷ୍ଟ କରିଥିଲେ ଯେଉଁଥିରେ ସେ ନିଜ ପେଟ କୁକୁର ସହିତ ଦେଖାଯାଇଥିଲେ । ଏହି ଫଟୋ ସେୟାର କରି ବରୁଣ ଲେଖିଥିଲେ – ଜନ୍ମଦିନର ଶୁଭେଚ୍ଛା ନତା’।
ବରୁଣ ଧାୱନ ଏବଂ ନତାଶାଙ୍କ ଏହି ଫଟୋ ସୋସିଆଲ ମିଡିଆରେ ଖୁବ୍ ପସନ୍ଦ କରାଯାଉଛି ଏବଂ ଏହାର ଫଳ ସ୍ୱରୂପ ଏହି ଫଟୋରେ 1 ଲକ୍ଷରୁ ଅଧିକ ଲାଇକ୍ ଗ୍ରହଣ କରାଯାଇଛି ଏବଂ ଏକ ହଜାରରୁ ଅଧିକ କମେଣ୍ଟ ମଧ୍ୟ ମିଳିଛି । ସୋସିଆଲ ମିଡିଆ ୟୁଜର ଏହି ଦୁହିଁଙ୍କ ଯୋଡିକୁ ବହୁତ ପସନ୍ଦ କରନ୍ତି ।
ଏହି ନିକଟରେ ନୋରା ଫତେହି ଏବଂ ବରୁଣ ଧାୱନଙ୍କ ଏକ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହୋଇଥିଲା ଯେଉଁଥିରେ ଉଭୟ ତାରକା ଏକାଠି ନାଚୁଥିବାର ନଜର ଆସିଥିଲେ । ବରୁଣ ଧାୱନଙ୍କ ଏହି ନିକଟରେ ମୁକ୍ତିଲାଭ କରିଥିଲା ’ଷ୍ଟ୍ରିଟ୍ ଡାନ୍ସର୍’ । ଯେଉଁଥିରେ ଶ୍ରଦ୍ଧା କପୁର ଏବଂ ନୋରା ଫତେହି ମଧ୍ୟ ବରୁଣ ଧାୱନଙ୍କ ସହ ନଜର ଆସିଥିଲେ ।
