ନୂଆଦିଲ୍ଲୀ: ଭାରତରେ କରୋନାର ପ୍ରକୋପ ବୃଦ୍ଧି ପାଇବାରେ ଲାଗିଛି । ତେବେ ଦେଶରେ ପୂର୍ବ 24 ଘଣ୍ଟା ମଧ୍ୟରେ 97,893 ନୂଆ ମାମଲା ସାମ୍ନାକୁ ଆସିଅଛି ଏବଂ 1132 ଲୋକଙ୍କର ଜୀବନ ଯାଇଅଛି । ଏହା ପୂର୍ବରୁ 11 ସେପ୍ଟେମ୍ବରରେ ରେକର୍ଡ 97,570 କେସ ଦର୍ଜ ହୋଇଥିଲା । ଦେଶରେ 2 ସେପ୍ଟେମ୍ବରରୁ ଲଗାତାର ପ୍ରତିଦିନ ଏକ ହଜାରରୁ ବେଶି ମୃତ୍ୟୁ ହେଉଅଛି । ଭଲ ଖବର ଏହା କି 24 ଘଣ୍ଟାରେ 82,961 ରୋଗୀ ଠିକ ମଧ୍ୟ ହୋଇଛନ୍ତି ।
ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ସଂଖ୍ୟା ମୁତାବକ, ଦେଶରେ ମୋଟ ସଂକ୍ରମିତ କରୋନା ସଂଖ୍ୟା ବର୍ତ୍ତମାନ 51 ଲକ୍ଷ 18 ହଜାର ହୋଇଯାଇଅଛି । ଏଥିମଧ୍ୟରୁ 83,198 ଜଣଙ୍କର ମୃତ୍ୟୁ ହୋଇଛି । ଆକ୍ଟିଭ ମାମଲା ସଂଖ୍ୟା 10 ଲକ୍ଷ 9 ହଜାର ହୋଇଅଛି ଏବଂ 40 ଲକ୍ଷ 25 ହଜାର ଲୋକ ଏହି ରୋଗରୁ ଆରୋଗ୍ୟ ହୋଇଛନ୍ତି ।