ନୂଆଦିଲ୍ଲୀ: କେନ୍ଦ୍ର ସରକାର ଆଣିଥିବା କୃଷି ନିୟମକୁ ବିରୋଧ କରି ଚାଲୁଥିବା ଚାଷୀଙ୍କ ପ୍ରଦର୍ଶନ ଦିଲ୍ଲୀରେ ପହଞ୍ଚିଛି । ଏହାପୂର୍ବରୁ ହରିୟାଣାର ଚାଷୀଙ୍କୁ ଅଟକାଇବା ପାଇଁ ବହୁ ଚେଷ୍ଟା କରାଯାଇଥିଲା । ଅନେକ କୃଷକଙ୍କ ଉପରେ ଏଫ୍ଆଇଆର୍ ମଧ୍ୟ ପଞ୍ଜିକୃତ ହୋଇଥିଲା । କଂଗ୍ରେସ ନେତା ରାହୁଲ ଗାନ୍ଧୀ ମୋଦୀ ସରକାରଙ୍କୁ ନିନ୍ଦା କରିବା ସହ କହିଛନ୍ତି ଯେ ଆମ ପାଇଁ ‘ଜୟ କିସାନ୍’ ଥିଲା, ଅଛି ଏବଂ ରହିବ ।
କହିବାକି ଜାତୀୟ ଗଣମାଧ୍ୟମ ଅନୁଯାୟୀ କେନ୍ଦ୍ର ସରକାରଙ୍କ ନୂତନ କୃଷି ଆଇନ ବିରୋଧରେ ଆନ୍ଦୋଳନ ଚାଲିଅଛି । ଚାଷୀମାନେ ସିନ୍ଦୂ ସୀମାରେ ରାତି କଟାଇଥିଲେ । କୃଷକମାନେ ସେଠାରେ ଅଛନ୍ତି । ସେ ବର୍ତ୍ତମାନ ନିଷ୍ପତ୍ତି ନେଇଛନ୍ତି ଯେ ସେ ସିନ୍ଦୁ ସୀମାରୁ ଓହରିଯିବେ ନାହିଁ । ତେବେ ଏଥି ସହ ଯାତ୍ରୀମାନଙ୍କ ପାଇଁ ଦିଲ୍ଲୀ ପୋଲିସ ଏଡ଼ବାଇଜରି ଜାରି କରିଛି । ଦିଲ୍ଲୀ ପୋଲିସ କହିଛି ଯେ ଏବେ ମଧ୍ୟ ଦୁଇ ପାର୍ଶ୍ୱରୁ ସିନ୍ଦୂ ସୀମା ବନ୍ଦ ରହିଛି । ଦୟାକରି ଏକ ବିକଳ୍ପ ମାର୍ଗ ବାଛନ୍ତୁ ।
କୃଷକଙ୍କର ବିରୋଧ ପ୍ରଦର୍ଶନ ଯେଉଁ ପ୍ରକାର ରୋକିବାର ପ୍ରୟାସ କରାଯାଇଛି ଏହା ଉପରେ କଂଗ୍ରେସ ନେତା ରାହୁଲ ଗାନ୍ଧୀ ଟ୍ୱିଟ ମାଧ୍ୟମରେ ଏକ କଡା ଟିପଣି ଦେଇଛନ୍ତି । ରାହୁଲ ଗାନ୍ଧୀ ଏକ ଟ୍ୱିଟରେ ମୋଦୀ ସରକାରଙ୍କ କୃଷକମାନଙ୍କ ପ୍ରତି ଥିବା ମନୋଭାବକୁ ସମାଲୋଚନା କରିଛନ୍ତି ।
ରାହୁଲ ଗାନ୍ଧୀ କହିଛନ୍ତି, ‘ନ୍ୟାୟ ବିରୋଧରେ ସ୍ୱର ଉତ୍ତୋଳନ କରିବା ଅପରାଧ ନୁହେଁ, କର୍ତ୍ତବ୍ୟ । ପୋଲିସର ମିଥ୍ୟା ଏଫଆଇଆର ସାହାଯ୍ୟରେ ମୋଦୀ ସରକାର ଚାଷୀଙ୍କ ମଜଭୁତ ଉଦ୍ଦେଶ୍ୟ ବଦଳାଇ ପାରିବେ ନାହିଁ । କୃଷି ବିରୋଧୀ କଳା ନିୟମର ଶେଷ ପର୍ଯ୍ୟନ୍ତ ଏହି ସଂଗ୍ରାମ ଜାରି ରହିବ । ଆମ ପାଇଁ ‘ଜୟ କିସାନ୍’ ଥିଲା, ଅଛି ଏବଂ ରହିବ ।’
