ମୁମ୍ବାଇ: ବଲିଉଡ ଅଭିନେତ୍ରୀ କାଜୋଲ ଫିଲ୍ମ ‘ତ୍ରିଭଙ୍ଗା’ ସହିତ ଡିଜିଟାଲ ଡେବ୍ୟୁ କରିବାକୁ ଯାଉଛନ୍ତି । ଏହି ଫିଲ୍ମର ଟ୍ରେଲର ଲଞ୍ଚ ହୋଇଯାଇଛି । ଏଥିରେ କାଜୋଲ ଜଣେ ଓଡ଼ିଶୀ ନୃତ୍ୟଶିଳ୍ପୀ ଭୂମିକାରେ ଅଭିନୟ କରୁଛନ୍ତି । ଏଥିରେ ତାଙ୍କ ନାମ ଅନୁ । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ରେଣୁକା ସାହାନେ । ଏହାର ବଟମ ଲାଇନ ହେଉଛି ‘ଟେଢ଼ୀ ମେଢ଼ୀ କ୍ରେଜି’ ଏବଂ ଏହା ଜାନୁଆରୀ 15 ରେ ନେଟଫ୍ଲିକ୍ସରେ ମୁକ୍ତିଲାଭ କରିବ ।
ପ୍ରାୟ 2 ମିନିଟର ଏହି ଟ୍ରେଲରରେ କାଜୋଲ ଜଣେ ଓଡ଼ିଶୀ ନୃତ୍ୟଶିଳ୍ପୀ ଡ୍ରେସରେ ଆତ୍ମବିଶ୍ୱାସୀ ଭରା ଭାବରେ ଦେଖାଯାଉଛନ୍ତି । ସେ ନୀଳ ରଙ୍ଗର ଶାଢ଼ୀ ଏବଂ ବହୁ ଅଳଙ୍କାର ପିନ୍ଧିଥିବାର ନଜର ଆସିଛନ୍ତି । ଜଣେ ସାମ୍ବାଦିକ ତାଙ୍କୁ ତାଙ୍କ ଜୀବନ ବିଷୟରେ ପଚାରୁ ଥିବାର ଦେଖାଯାଏ । ଏଥିରେ ତାଙ୍କୁ ଏକ ଶଯ୍ୟାରେ ଶୋଇଥିବାର ଦେଖାଯାଏ, ଯେଉଁଠାରେ ଯଦି ଜଣେ ପରିଚିତ ବ୍ୟକ୍ତି ଆସି ତାଙ୍କୁ ସ୍ପର୍ଶ କରନ୍ତି ତ ସେ ଉଠିକରି ଠିଆ ହୁଅନ୍ତି ।
ଅନୁ ତାଙ୍କ ଜୀବନର ଦୁଇଟି ଗୁରୁତ୍ୱପୂର୍ଣ୍ଣ ମହିଳାଙ୍କ ବିଷୟରେ କହୁଥିବାର ଦେଖାଯାଏ । ଏଥିରେ ମୁଖ୍ୟ ଭୂମିକାରେ ତାନଭି ଅଜମୀ, ମିଥୀଲା ପାଲକର ଏବଂ କାଜୋଲ ଅଭିନୟ କରିଛନ୍ତି । କାଜୋଲ ଏଥିରେ ଜଣେ ମାତା ଅନୁଙ୍କ ଚରିତ୍ରରେ ଅଭିନୟ କରୁଛନ୍ତି । ତାଙ୍କ ଝିଅ ଭୂମିକା ମିଥୀଲା ନିଭାଉଛନ୍ତି, ଯାହାଙ୍କ ନାମ ମାଶା ଅଟେ । ଯାହାକୁ ସେ ସଂମ୍ଭଗା ବୋଲି ଡାକନ୍ତି ।
ଏଠାରେ ଦେଖନ୍ତୁ ଫିଲ୍ମର ଟ୍ରେଲର
ଏହା ବ୍ୟତୀତ ସେ ତାନଭି ଆଜମିଙ୍କ ଭୂମିକା ନୟନକୁ ଓଭାଗା ବୋଲି ବର୍ଣ୍ଣନା କରିଛନ୍ତି, ଯାହାକି ଟିକେ ଅଜିବ ଜିନିୟସ ଅଟେ । କାଜୋଲ ନିଜକୁ ତ୍ରିଭଙ୍ଗା ବୋଲି ବର୍ଣ୍ଣନା କରିଛନ୍ତି । ଯାହାକି ଏକ ଓଡ଼ିଶୀ ନୃତ୍ୟର ନାମ ଅଟେ । ଏଥିରେ କୁଣାଲ ରୟ କପୁର ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି ଏବଂ ଫିଲ୍ମରେ ତାନଭିଙ୍କ ବନ୍ଧୁ ହୋଇଛନ୍ତି । ଟ୍ରେଲରରେ କାଜୋଲଙ୍କ ସଂଘର୍ଷ ଦେଖାଯାଇଛି । ସେ ତାଙ୍କ ମାତାଙ୍କୁ ଘୃଣା କରନ୍ତି ।
‘ତ୍ରିଭଙ୍ଗା’ ରେ ବୈଭବ ତଟୱାଡି ଏବଂ କାନୱାଲଜିତ ସିଂହ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ଏହି ଫିଲ୍ମଟି ଅଜୟ ଦେବଗନଙ୍କ ଦ୍ୱାରା ନିର୍ମିତ ।
