ମୁମ୍ବାଇ: କେନ୍ଦ୍ର ସରକାରଙ୍କ ତିନୋଟି କୃଷି ନିୟମ ବିରୋଧରେ ଚାଷୀଙ୍କ ବିରୋଧ ପ୍ରଦର୍ଶନ ଜାରି ରହିଛି । ଏଥି ସହିତ ହଲିଓଡ଼ ମଧ୍ୟ କୃଷକ ଆନ୍ଦୋଳନକୁ ନେଇ ସ୍ୱର ଉତ୍ତୋଳନ କରିଛି । ଯାହା ପରେ ବଲିଉଡର ମଧ୍ୟ ଅନେକ ସେଲିବ୍ରେଟ୍ ସୋସିଆଲ ମିଡିଆରେ କୃଷକ ଆନ୍ଦୋଳନ ବିଷୟରେ ଟ୍ୱିଟ୍ କରୁଛନ୍ତି । କେତେକ ସେଲିବ୍ରିଟି କୃଷକଙ୍କ ଅଧିକାର ବିଷୟରେ କହୁଥିବା ବେଳେ କେତେକ ସରକାରଙ୍କ ସପକ୍ଷରେ ଛିଡା ହୋଇଛନ୍ତି । ଏହା କହିବା ଭୁଲ ହେବ ନାହିଁ ଯେ ରାସ୍ତା ସହିତ ସୋସିଆଲ ମିଡିଆରେ ମଧ୍ୟ କୃଷକ ଆନ୍ଦୋଳନକୁ ନେଇ କରି ଯୁଦ୍ଧ ଚାଲିଅଛି । ଏଥି ସହିତ ଗରିବଙ୍କ ମସିହା କୁହାଯାଉଥିବା ଅଭିନେତା ସୋନୁ ସୁଦ ମଧ୍ୟ କୃଷକ ଆନ୍ଦୋଳନ ସମ୍ପର୍କରେ ଟୁଇଟ୍ କରିଛନ୍ତି ।
ସୋନୁ ସୁଦ ଏହାକୁ ଟୁଇଟ୍ କରିଛନ୍ତି
ସୋନୁ ସୁଦ ନିଜର ଟ୍ୱିଟରେ ଲେଖିଛନ୍ତି, “ଯଦି ଭୁଲକୁ ଠିକ କହିବ ତ ନିଦ କେମିତି ଆସିବ?” ଲୋକମାନେ ବିଶ୍ୱାସ କରନ୍ତି ଯେ ସୋନୁ ସୁଦ ସରକାର ଏବଂ ବଲିଉଡ ସହକର୍ମୀଙ୍କ ଉପରେ ଏହି କଟାକ୍ଷ କରିଛନ୍ତି, ତେବେ ସୋନୁ ସୁଦଙ୍କ ଏହି ପୋଷ୍ଟ ଉପରେ ଲଗାତାର ପ୍ରତିକ୍ରିୟା ଆସୁଅଛି ।
ସୋନୁ ସୁଦଙ୍କ ଟୁଇଟ୍ ଉପରେ ଲଗାତାର ଆସୁଛି ପ୍ରତିକ୍ରିୟା
ଜଣେ ୟୁଜର ସୋନୁ ସୁଦଙ୍କ ଟୁଇଟ୍ ଉପରେ ଏକ ମନ୍ତବ୍ୟରେ ଲେଖିଛନ୍ତି ଯେ, “ଆପଣ ସଂପୂର୍ଣ୍ଣ ଠିକ୍ କହିଛନ୍ତି”, କେହି ଲେଖିଛନ୍ତି, “ଭାଇ ଖୋଲିକରି କୁହ ଆପଣଙ୍କୁ କେମିତିକା ଭୟ”? ଏହି ସମୟରେ, ଅନ୍ୟ ଜଣେ ୟୁଜର ଲେଖିଛନ୍ତି ଯେ, ‘ଖୋଲିକରି କୁହନ୍ତୁ ସାର୍ … ଡୁଆଲ୍ ସ୍ୱର ଆପଣଙ୍କ ପାଟିରେ କେବେ ମଧ୍ୟ ଭଲ ଲାଗେ ନାହିଁ …. କାରଣ ଠିକକୁ ଠିକ ଏବଂ ଭୁଲକୁ ଭୁଲ, ଆପଣ ସର୍ବଦା ଏହି କଥା କହିଥାନ୍ତି ।’
ଉଲ୍ଲେଖନୀୟ କଥା ହେଉଛି, କୃଷକ ଆନ୍ଦୋଳନକୁ ସମର୍ଥନ କରି ରିହାନା, ମିଆ ଖଲିଫାଙ୍କ ସମେତ ଅନେକ ହଲିଉଡ ସେଲିବ୍ରେଟ ମନ୍ତବ୍ୟ ଦେଇଛନ୍ତି, ଏହା ପରେ ବଲିଉଡର ସେଲିବ୍ରିଟିମାନେ ମଧ୍ୟ ସୋସିଆଲ ମିଡିଆରେ ମନ୍ତବ୍ୟ ଦେବା ଆରମ୍ଭ କରିଥିଲେ । ଏଥିମଧ୍ୟରେ ଅକ୍ଷୟ କୁମାର, ସୁନୀଲ ଶେଟ୍ଟୀ, କଙ୍ଗନା ରାନାୱତ, ଅଜୟ ଦେବଗନ୍, ସ୍ୱରା ଭାସ୍କର, ତାପସୀ ପନ୍ନୁଙ୍କ ସମେତ ଅନେକ ବଲିଉଡ ସେଲିବ୍ରିଟି ଅଛନ୍ତି । କହିବାକି ପୂର୍ବ ଦୁଇ ମାସରୁ ଅଧିକ ସମୟ ଧରି ରାଜଧାନୀ ଦିଲ୍ଲୀ ସୀମାରେ କେନ୍ଦ୍ର ସରକାରଙ୍କ ତିନୋଟି କୃଷି କାନୁନ ବିରୋଧରେ କୃଷକମାନେ ଆନ୍ଦୋଳନ କରୁଛନ୍ତି । ଏହା ଭିତରେ କୃଷକ ସଂଗଠନ ଏବଂ ସରକାରଙ୍କ ମଧ୍ୟରେ ଅନେକ ରାଉଣ୍ଡ ଆଲୋଚନା ହୋଇ ସାରିଛି, ଯାହା ଫଳହୀନ ରହିଛି ।
