ମୁମ୍ବାଇ: ସଞ୍ଜୟ ଲୀଲା ଭନସାଲୀଙ୍କ ଜନ୍ମଦିନରେ ଆଜି ତାଙ୍କର ଅପକମିଙ୍ଗ ଫିଲ୍ମ ‘ଗଙ୍ଗୁବାଇ କାଠିୟାୱାଡି’ ର ଟିଜର ରିଲିଜ ହୋଇଛି । ଏହି ଫିଲ୍ମରେ ଆଲିୟା ଭଟ୍ଟ ମୁଖ୍ୟ ଭୂମିକାରେ ଅଛନ୍ତି । ଟିଜର ବହୁତ ଶକ୍ତିଶାଳୀ ଏବଂ ଆଲିୟାଙ୍କ ସର୍ବୋତ୍ତମ ପ୍ରଦର୍ଶନ ଦେଖିବାକୁ ମିଳୁଛି । ଏହି ଫିଲ୍ମରେ ଆଲିୟା ଭଟ୍ଟ ଗୋଟିଏ ବେଶ୍ୟାଳୟର ମାଲିକାଣୀ ଗଙ୍ଗୁବାଇ ରୋଲରେ ଅଭିନୟ କରିଛନ୍ତି । ଏହି ଫିଲ୍ମର ଟିଜରକୁ ପ୍ରଶଂସକମାନେ ପ୍ରଶଂସା କରିବାରେ କ୍ଳାନ୍ତ ଅନୁଭବ କରୁନାହାନ୍ତି, ଅନେକ ସେଲିବ୍ରେଟ୍ ମଧ୍ୟ ଆଲିଆଙ୍କୁ ପ୍ରଶଂସା କରୁଛନ୍ତି । ବରୁଣ ଧାୱନ ମଧ୍ୟ ଆଲିୟାଙ୍କୁ ପ୍ରଶଂସା କରି ଏକ ପୋଷ୍ଟ ସେୟାର କରିଛନ୍ତି । ଏବେ ବଲିଉଡର କିଙ୍ଗ ଶାହାରୁଖ ଖାନ ମଧ୍ୟ ଆଲିୟା ଭଟ୍ଟଙ୍କୁ ପ୍ରଶଂସା କରିଛନ୍ତି ।
ପ୍ରିୟ ଅଭିନେତ୍ରୀ ଆଲିୟାଙ୍କ ପାଇଁ ଶାହାରୁଖ ଖାନ ଲେଖିଛନ୍ତି – “ମୁଁ ସବୁବେଳେ ଜଣେ ଅଭିନେତା ଭାବରେ ତୁମର କାମ ପାଇଁ ତତ୍ପର ଅଛି । ଆଉ ଏହା ବହୁତ ଖାସ ଲାଗୁଅଛି …. ଏବଂ ତୁମେ ତ ଗ୍ୟାଙ୍ଗଷ୍ଟା ! ମୋର ବହୁତ ସାରା ପ୍ରେମ ଏବଂ ଫିଲ୍ମ ପାଇଁ ଶୁଭେଚ୍ଛା, ଆଲିୟା । ”
ଏଠାରେ ଦେଖନ୍ତୁ ଭିଡ଼ିଓ….
‘ଗଙ୍ଗୁବାଇ କାଠିୟାୱାଡି ପ୍ରଥମ ଲୁକ୍’ର ପ୍ରଥମ ଲୁକ୍ ରିଲିଜ୍ କରି ଆଲିୟା ଭଟ୍ଟ ଲେଖିଛନ୍ତି,’ଗଙ୍ଗୁବାଇ କାଠିୟାୱାଡି 20 ଜୁଲାଇ, 2021ରେ ସିନେମା ଘରେ … ‘ ଫିଲ୍ମର ନିର୍ଦ୍ଦେଶକ ହେଉଛନ୍ତି ସଞ୍ଜୟ ଲୀଲା ଭନସାଲୀ ଅଟନ୍ତି । ସଞ୍ଜୟ ଏହି ଫିଲ୍ମର ନିର୍ମାତା ଅଟନ୍ତି ଏବଂ ତାଙ୍କ ସହ ଜୟନ୍ତୀଲାଲ ଗଡା ମଧ୍ୟ ଏହି ଫିଲ୍ମର ନିର୍ମାତା ଅଟନ୍ତି । ଏହି ଫିଲ୍ମର କାହାଣୀ ସଞ୍ଜୟ ଲୀଲା ଭନସାଲୀ ଏବଂ ଉତ୍କର୍ଷୀଣି ବସିଷ୍ଟ ଲେଖିଛନ୍ତି । ଏହି ଫିଲ୍ମ ହୁସେନ୍ ଜାଇଦିଙ୍କ କାହାଣୀ ଉପରେ ଆଧାରିତ ।
କହିବାକି ଆଲିୟା ଭଟ୍ଟଙ୍କ ଶେଷ ରିଲିଜ୍ ଥିଲା ‘ସଡ଼କ 2’, ଯାହାକୁ OTT ପ୍ଲାଟଫର୍ମରେ ବହୁତ ଭଲ ରିସ୍ପନସ ମିଳି ନଥିଲା । ଆଜିକାଲି ସେ ସାଉଥ ଫିଲ୍ମ RRR ଏବଂ ରଣବୀର କପୁରଙ୍କ ସହ ‘ବ୍ରହ୍ମାସ୍ତ୍ର’ ରେ କାମ କରୁଛନ୍ତି ।
