ମୁମ୍ବାଇ : ଭାରତରେ ଖେଳକୁ ବହୁତ ପସନ୍ଦ କରାଯାଏ । ବିଶେଷକରି ଏଠାରେ ଥିବା ଲୋକଙ୍କ ମଧ୍ୟରେ କ୍ରିକେଟ୍ ବହୁତ ଲୋକପ୍ରିୟ । ଏଠାରେ ଲୋକମାନେ କ୍ରିକେଟ୍ କୁ ଏକ ଧର୍ମ ଭାବରେ ବିବେଚନା କରନ୍ତି । ଦୁନିଆର କୌଣସି ଦେଶରେ କ୍ରିକେଟ୍ ପାଇଁ ଏପରି କ୍ରେଜ୍ ଦେଖିବାକୁ ମିଳିବା କଷ୍ଟକର । ଏହି କ୍ରେଜ୍ ଏତେ ଯେ ବେଳେବେଳେ କିଛି ଲୋକ ଅଭିଯୋଗ କରନ୍ତି ଯେ କ୍ରିକେଟ୍ ବ୍ୟତୀତ ଅନ୍ୟ ଖେଳକୁ ଭାରତରେ ଗୁରୁତ୍ୱ ଦିଆଯାଉ ନାହିଁ । କିନ୍ତୁ ବଲିଉଡରେ ଏମିତି ହୁଏ ନାହିଁ । କ୍ରୀଡା ଉପରେ ବଲିଉଡ ଫିଲ୍ମରେ କ୍ରିକେଟ୍ ସହିତ ଅନ୍ୟାନ୍ୟ କ୍ରୀଡାକୁ ମଧ୍ୟ ବହୁତ ଗୁରୁତ୍ୱ ଦିଆଯାଇଛି । ଫିଲ୍ମ ଇଣ୍ଡଷ୍ଟ୍ରି କୁସ୍ତି, ହକି, ବକ୍ସିଂ ଭଳି ଖେଳକୁ ଧ୍ୟାନରେ ରଖି ଅନେକ ଭଲ ଫିଲ୍ମ ନିର୍ମାଣ କରିଛି । ତେବେ ଆସନ୍ତୁ ଦେଖିବା ଭାରତରେ କ୍ରୀଡା ଉପରେ ନିର୍ମିତ 5 ଟି ଦମଦାର ଫିଲ୍ମ ।
ଚକ ଦେ ଇଣ୍ଡିଆ (2007)
ହକି ଉପରେ ଆଧାରିତ ଏହି ଫିଲ୍ମ 2007 ମସିହାରେ ମୁକ୍ତିଲାଭ କରିଥିଲା । ଏହି ଫିଲ୍ମରେ ଶାହାରୁଖ ଖାନ ଭାରତୀୟ ବାଳିକା ହକି ଦଳର କୋଚ ଥିବା କବୀର ଖାନଙ୍କ ଭୂମିକାରେ ନଜର ଆସିଥିଲେ। ଏହି ଦମଦାର ଫିଲ୍ମଟି ଶିମିତ ଅମିନଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା । ଏହି ଫିଲ୍ମରେ ଶାହାରୁଖ ଖାନଙ୍କ ବ୍ୟତୀତ ସାଗାରିକା ଘାଟେଗେ, ଶିଳ୍ପା ଶୁକ୍ଲା ଏବଂ ବିଦ୍ୟା ମାଲବେଡେ ପ୍ରମୁଖ ଭୂମିକାରେ ଥିଲେ ।
ଦଙ୍ଗଲ (2016)
ଏହି ଫିଲ୍ମଟି ଭାରତରେ ନିର୍ମିତ ସର୍ବୋତ୍ତମ ସ୍ପୋର୍ଟ୍ସ ଫିଲ୍ମ ମଧ୍ୟରୁ ଅନ୍ୟତମ । କୁସ୍ତି ଉପରେ ନିର୍ମିତ ଏହି ଫିଲ୍ମରେ ଆମୀର ଖାନ ମୁଖ୍ୟ ଭୂମିକାରେ ଥିଲେ । ଏକ ପ୍ରକୃତ କାହାଣୀ ଉପରେ ଆଧାର କରି ଏହି ଫିଲ୍ମଟି ହେଉଛି ମହାବୀର ସିଂହ ଫୋଗାଟ ଏବଂ ତାଙ୍କର ଦୁଇ ଝିଅଙ୍କ କାହାଣୀ ଅଟେ । ଏହି ଫିଲ୍ମରେ ଦୁଇ ଝିଅଙ୍କ କୁସ୍ତି ଦୁନିଆରେ ଏକ ନାମ ଅର୍ଜନ କରୁଥିବା ଦେଖାଯାଇଛି, ଯାହାକୁ ସମାଜ ବିରୋଧ କରେ, କିନ୍ତୁ ପିତା ଏହାକୁ ସମର୍ଥନ କରନ୍ତି । ଏହି ଫିଲ୍ମର ନିର୍ଦ୍ଦେଶକ ହେଉଛନ୍ତି ନୀତେଶ ତିୱାରୀ ।
ଭାଗ ମିଲ୍କା ଭାଗ (2013)
ଏହି ଫିଲ୍ମଟି ଫ୍ଲାଇଙ୍ଗ୍ ଶିଖ୍ ମିଲ୍କା ସିଂହଙ୍କ ଜୀବନୀ ଉପରେ ଆଧାରିତ ଅଟେ । ଫିଲ୍ମରେ ମିଲଖା ସିଂହଙ୍କ ଭୂମିକାରେ ଫରହାନ ଅଖତର ଅଭିନୟ କରିଛନ୍ତି । ଏହା ବ୍ୟତୀତ ସୋନମ କପୁର ଏବଂ ପୱନ ମଲହୋତ୍ରା ମଧ୍ୟ ଏହି ଫିଲ୍ମରେ ମୁଖ୍ୟ ଭୂମିକାରେ ଅଛନ୍ତି । ଏହି ଫିଲ୍ମଟି ରାକେଶ ଓମପ୍ରକାଶଙ୍କ ନିର୍ଦ୍ଦେଶନାରେ ନିର୍ମିତ ହୋଇଛି ।
ଏମଏସ ଧୋନି: ଦ ଅନଟୋଲ୍ଡ ଷ୍ଟୋରୀ (2016)
ଏହି ଫିଲ୍ମଟି ହେଉଛି ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ତଥା କ୍ରିକେଟ୍ ର ଶ୍ରେଷ୍ଠ ଫିନିସର୍ ମହେନ୍ଦ୍ର ସିଂହ ଧୋନିଙ୍କ କାହାଣୀ ଅଟେ । ମହେନ୍ଦ୍ର ସିଂହ ଧୋନି କିପରି ରେଳବାଇର ଟିକେଟ୍ ସଂଗ୍ରହକାରୀରୁ ଭାରତୀୟ ଦଳର ଅଧିନାୟକ ହୋଇଥିଲେ, ଏହି ଫିଲ୍ମର ଆଖ ପାଖ ଏମିତି ଭାବରେ ହୋଇଛି । ଦିଗମ୍ବତ ଅଭିନେତା ସୁଶାନ୍ତ ସିଂହ ରାଜପୁତ ଏହି ଫିଲ୍ମରେ ଧୋନି ଭୂମିକାରେ ଅଭିନୟ କରିଛନ୍ତି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ପ୍ରସିଦ୍ଧ ନିର୍ଦ୍ଦେଶକ ନୀରଜ ପାଣ୍ଡେ ।
ମେରି କମ୍ (2014)
2014 ମସିହାରେ ଆସିଥିବା ଏହି ଫିଲ୍ମଟି ହେଉଛି ଭାରତୀୟ ବକ୍ସର ମେରି କମଙ୍କ କାହାଣୀ । ଏହି ଫିଲ୍ମରେ ପ୍ରିୟଙ୍କା ଚୋପ୍ରା ମେରି କମ ଭୂମିକାରେ ଅଭିନୟ କରିଥିଲେ । ଏହି ବାୟୋପିକ୍ ଫିଲ୍ମର ନିର୍ଦ୍ଦେଶନା ଦେଇଛନ୍ତି ଓମୁଙ୍ଗ କୁମାର । ଏହି ଫିଲ୍ମରେ ପ୍ରିୟଙ୍କାଙ୍କ ବ୍ୟତୀତ ସୁନୀଲ ଥାପା, ରବିନ୍ ଦାସ, ରଜନୀ ବାସୁମିତ୍ରୀ ମଧ୍ୟ ମୁଖ୍ୟ ଭୂମିକାରେ ଅଛନ୍ତି ।
