ମୁମ୍ବାଇ : ବଲିଉଡ ଅଭିନେତ୍ରୀ ଏବଂ ବୋଲଡନେସ ତାଲିକାରେ ଶୀର୍ଷରେ ଥିବା ସନ୍ନି ଲିଓନଙ୍କ ଏକ ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଡକାୟତ ପରି ପୁରା ପାଟି ମୁହଁ ଘୋଡାଇ ରାତିରେ ଘରୁ ବାହାରକୁ ଯାଇ କରିଥିବା କାର୍ଯ୍ୟକୁ ପ୍ରକାଶ କରୁଥିବା ଦେଖାଯାଏ ।
ସନ୍ନି ଲିଓନ ନିଜର ଟ୍ୱିଟର ହ୍ୟାଣ୍ଡେଲରୁ ଏକ ଭିଡିଓ ଜାରି କରିଛନ୍ତି । ଯେଉଁଥିରେ ସେ କଳା ଏବଂ ଧଳା ସ୍ଲିଭଲେସ୍ ଟି-ସାର୍ଟ ପିନ୍ଧି, କଳା କ୍ୟାପ୍ ପିନ୍ଧି ଏବଂ ନୀଳ ରଙ୍ଗର ସ୍କାର୍ଫରେ ପାଟି ଘୋଡାଇଥିବାର ନଜର ଆସିଛନ୍ତି । ଏହି ଭିଡିଓ ସେୟାର କରି ସନ୍ନି କ୍ୟାପସନରେ ଲେଖିଛନ୍ତି, ‘ହମ୍ … ମୁଁ ଶପଥ କରୁଛି ଯେ ଯେତେବେଳେ ମୁଁ ଏହିପରି ବାହାରକୁ ଯାଏ ମୋତେ କେହି ଚିହ୍ନି ପାରନ୍ତି ନାହିଁ । ପତ୍ନୀଙ୍କ କର୍ତ୍ତବ୍ୟ, ଡାନିଏଲ ୱେବର ଅସୁସ୍ଥ ଏବଂ ମୋତେ ତାଙ୍କ ପାଇଁ ବିଳମ୍ବିତ ରାତିରେ ଔଷଧ ଆଣିବାକୁ ବାହାରକୁ ଯିବାକୁ ପଡିଲା ।
ସନ୍ନି ଲିଓନଙ୍କ କ୍ୟାପସନରୁ ଏହା ସ୍ପଷ୍ଟ ହୋଇଛି ଯେ ସେ ସ୍ୱାମୀ ଡାନିଏଲ ୱେବରଙ୍କ ପାଇଁ ଔଷଧ ନେବାକୁ ଯାଇ ବିଳମ୍ବିତ ରାତିରେ ମୁହଁ ଘୋଡାଇ ପତ୍ନୀଙ୍କ କର୍ତ୍ତବ୍ୟ ପାଳନ କରିଥିଲେ । ଏଥିସହ ଅଭିନେତ୍ରୀ ଥଟ୍ଟା କରି ଭିଡିଓରେ କହିଛନ୍ତି, ‘ବନ୍ଧୁଗଣ, ମୁଁ ରାତିରେ ଏପରି ଡକାୟତି କରିବାକୁ ଯାଇ ନଥିଲି । ମୁଁ ଶ୍ରୀ ଡାନିଏଲଙ୍କ ପାଇଁ ଔଷଧ ଆଣିବାକୁ ମେଡିକାଲ ଷ୍ଟୋରକୁ ଯାଇଥିଲି । ବାସ୍ତବରେ, ଡାନିଏଲ ପିଠିରେ ଚିକେନ୍ (ମୋଚ) ଆସିଅଛି, ତେଣୁ ମୁଁ ତାଙ୍କୁ ଚିକେନ୍ ଖାଇବା ବନ୍ଦ କରିବାକୁ ମଧ୍ୟ କହିଲି ।
ସନ୍ନି ଲିଓନଙ୍କ ଏହି ଭିଡିଓ ଉପରେ ପ୍ରଶଂସକମାନେ ଲାଇକ ଏବଂ ଖୁବ କମେଣ୍ଟ ଦେଉଥିବାର ନଜର ଆସିଛନ୍ତି । ସନ୍ନିଙ୍କ ବୃତ୍ତିଗତ କାର୍ଯ୍ୟକ୍ଷେତ୍ର ବିଷୟରେ କହିବାକୁ ଗଲେ ସେ ଖୁବ୍ ଶୀଘ୍ର ବିକ୍ରମ ଭଟ୍ଟଙ୍କ ୱେବ୍ ସିରିଜ୍ ‘ଅନାମିକା’ ସହିତ ଡିଜିଟାଲ୍ ଡେବ୍ୟୁ କରିବାକୁ ଯାଉଛନ୍ତି । ଏହା ବ୍ୟତୀତ ତାଙ୍କୁ ‘ଶେରୋ’ ନାମକ ଏକ ସାଇକୋଲୋଜିକାଲ ଥ୍ରୀଲର ଫିଲ୍ମରେ ମଧ୍ୟ ଦେଖିବାକୁ ମିଳିବ। ଫିଲ୍ମ ବ୍ୟତୀତ ସେ ଆଜିକାଲି ତାଙ୍କ ଟିଭି ରିଆଲିଟି ସୋରେ ବ୍ୟସ୍ତ ଅଛନ୍ତି । ଏହି ଅଭିନେତ୍ରୀଙ୍କୁ ଶେଷ ଥର ପାଇଁ ଫିଲ୍ମ ‘ମୋତିଚୁର ଚକନାଚୁର’ରେ ଦେଖିବାକୁ ମିଳିଥିଲା ।
