ମୁମ୍ବାଇ : ଜନ ଅବ୍ରାହମ ଏବଂ ଦିବ୍ୟା ଖୋସଲା କୁମାରଙ୍କ ଅଭିନୀତ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ସତ୍ୟମେବ ଜୟତେ 2’ ଏବେ ନଭେମ୍ବର 25 ରେ ପ୍ରେକ୍ଷାଳୟରେ ରିଲିଜ ହେବ । ‘ସତ୍ୟମେବ ଜୟତେ’ର ଅପାର ସଫଳତା ଦେଖି ନିର୍ମାତା ବର୍ତ୍ତମାନ ଦୁଇ ଗୁଣ ଆକ୍ସନ୍, ମନୋରଞ୍ଜନ ଏବଂ ସଂଳାପରେ ପରିପୂର୍ଣ୍ଣ’ ସତ୍ୟମେବ ଜୟତେ 2 ‘ ଆଣୁଛନ୍ତି । ନିର୍ମାତା ଏହି ଫିଲ୍ମକୁ ଆନୁଷ୍ଠାନିକ ଭାବେ ଘୋଷଣା କରି ଦର୍ଶକଙ୍କୁ ଉତ୍ସାହିତ କରିଛନ୍ତି । ବର୍ତ୍ତମାନ ଏହି ପ୍ରିୟ ଚଳଚ୍ଚିତ୍ରର ଝଲକ ଦେଖିବାକୁ ପ୍ରଶଂସକମାନଙ୍କୁ ଅଧିକ ଅପେକ୍ଷା କରିବାକୁ ପଡିବ ନାହିଁ କାରଣ ନିର୍ମାତା ସୂଚନା ଦେଇଛନ୍ତି ଯେ ଫିଲ୍ମର ଟ୍ରେଲର ରିଲିଜ୍ ହେବାର ଏକ ମାସ ପୂର୍ବରୁ ଅର୍ଥାତ ଅକ୍ଟୋବର 25 ରେ ମୁକ୍ତିଲାଭ କରିବ ।
ଭୂଷଣ କୁମାର, କୃଷ୍ଣ କୁମାରଙ୍କ ଟି-ସିରିଜ୍, ମୋନିଶା ଆଡଭାନୀ, ମଧୁ ଭୋଜୱାନି ଏବଂ ନିକ୍କିଲ ଆଡଭାନୀଙ୍କ ଏମା ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ, ମିଲାପ ମିଲନ ଝଭେରୀଙ୍କ ନିର୍ଦ୍ଦେଶିତ, ଜନ୍ ଅବ୍ରାହମ ଏବଂ ଦିବ୍ୟା ଖୋସଲା କୁମାରଙ୍କ ଅଭିନୀତ ‘ସତ୍ୟମେବ ଜୟତେ 2’ରେ ଜବରଦସ୍ତ ଆକ୍ସନ୍ ଦେଖିବାକୁ ମିଳିବ । ଯାହା ହେଉ ‘ସତ୍ୟମେବ ଜୟତେ 2’ର ପୋଷ୍ଟର ପ୍ରଶଂସକଙ୍କ ମଧ୍ୟରେ ରୋମାଞ୍ଚକର ସୃଷ୍ଟି କରିଛି । ଏହି ଭିଡିଓରେ ଜନ୍ ଅବ୍ରାହମଙ୍କ ଚମତ୍କାର ଶରୀର ଦେଖିବାକୁ ମିଳିବ । ସେ ଦୁଇ ହାତରେ ଦୁଇ ଜଣଙ୍କୁ ଉଠାଇଛନ୍ତି । ପ୍ରଶଂସକମାନେ ତାଙ୍କର ଏହି ଶୈଳୀକୁ ବହୁତ ପସନ୍ଦ କରୁଛନ୍ତି ଏବଂ ତାଙ୍କୁ ମଧ୍ୟ ଖୁବ ପ୍ରଶଂସା କରୁଛନ୍ତି ।
