ନୂଆଦିଲ୍ଲୀ: ‘ଲୋକମାନେ କହିଛନ୍ତି ଯେ ଏହା ହେଉଛି ଏକନାଥ-ଦେବେନ୍ଦ୍ରଙ୍କ ଇଡି ସରକାର । ହଁ, ଏହା ହେଉଛି ଇଡି ସରକାର । ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ୍ ବିଧାନସଭାରେ ଶବ୍ଦର ଖେଳ ଖେଳୁଥିବା ଦେଖାଯାଇଥିଲା । ସରକାରରେ ବଦଳାଇବା ପାଇଁ ପ୍ରବର୍ତନ ନିର୍ଦେଶାଳୟ (ଇଡି) ର ଅପବ୍ୟବହାର କରାଯାଇଥିଲା ବୋଲି ଅଭିଯୋଗ ହେଉଛି । ଏହି ଅଭିଯୋଗ ଉପରେ ସେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ନିଜ ନାମ ବ୍ୟବହାର କରି ପ୍ରତି ବଦଳ କରିଥିଲେ । ଏଥିରେ ଇର ଅର୍ଥ ହେଉଛି ଏକନାଥ ସିନ୍ଦେ ଏବଂ ଡି ଅର୍ଥ ଦେବେନ୍ଦ୍ର ଫଡନବୀସ୍ ।
ମହାରାଷ୍ଟ୍ରରେ ଫ୍ଲୋର ଟେଷ୍ଟ ସମୟରେ ଯେତେବେଳେ ଶିବସେନା ବିଦ୍ରୋହୀ ଏକନାଥ ସିନ୍ଦେଙ୍କୁ ସମର୍ଥନ କରୁଥିଲେ, ବିରୋଧୀ ବିଧାୟକମାନେ ‘ଇଡି, ଇଡି’ ସ୍ଲୋଗାନ ଦେଉଥିଲେ । ସରକାରଙ୍କ ବିରୋଧରେ 99 ଭୋଟ ଦିଆଯାଇଥିବାବେଳେ ଏକନାଥ ସିନ୍ଦେ 164 ପାଇଥିଲେ । ଜେଲ୍ରେ ଥିବାରୁ ଆଜିର ଏହି ‘ଫ୍ଲୋର୍ ଟେଷ୍ଟ୍’ରେ ‘ଏନ୍ସିପି’ ବିଧାୟକ ନବାବ ମଲ୍ଲିକ ଏବଂ ଅନୀଲ ଦେଶମୁଖ ଭୋଟ୍ ଦେଇ ପାରିନାହାନ୍ତି । ଏହାଛଡ଼ା, ସମାଜବାଦୀ ପାର୍ଟି ଏବଂ ‘ଏଆଇଏମ୍ଆଇଏମ୍’ର ବିଧାୟକମାନେ ଆଜିର ‘ଫ୍ଲୋର୍ ଟେଷ୍ଟ୍’ରେ ଭୋଟ୍ ଦେଇ ନାହାନ୍ତି । ରବିବାର ବିଧାନସଭା ବାଚସ୍ପତି ନିର୍ବାଚନ ସମୟରେ ମଧ୍ୟ ଏହିପରି ସ୍ଲୋଗାନ ଦିଆଯାଇଥିଲା । କିଛି ଶିବସେନା ବିଧାୟକ ଏବଂ ସେମାନଙ୍କ ପରିବାର ସଦସ୍ୟ, ଯେଉଁମାନେ ସିନ୍ଦେ ଦଳର ଅଂଶ, ସେମାନେ ଇଡି ଯାଞ୍ଚର ସମ୍ମୁଖୀନ ହେଉଛନ୍ତି ।
ଯେହେତୁ ଶିନ୍ଦେ ଶିବିରର ବିଦ୍ରୋହ ଆରମ୍ଭ ହୋଇଥିଲା, ଏହା ପରେ ଉଦ୍ଧବ ଠାକରେଙ୍କୁ ଗତ ବୁଧବାର ଦିନ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାକୁ ପଡିଥିଲା । ଠାକରେ ଦଳ କହିଛନ୍ତି ଯେ ବିଦ୍ରୋହରେ ଦଳର ବିଧାୟକଙ୍କ ଉପରେ ଚାପ ପକାଇବା ପାଇଁ ବିଜେପି ସମର୍ଥିତ ଇଡିର ଅପବ୍ୟବହାର କରିଥିଲା ।
ଏହି ଅଭିଯୋଗର ମୁକାବିଲା କରି ଫଡନାଭିସ୍ ଉଲ୍ଲେଖ କରିଛନ୍ତି ଯେ ବିଜେପି-ଶିବସେନାର ପ୍ରି-ପୋଲ୍ ମିଳିତ ମଞ୍ଚକୁ 2019 ରେ ଏହି ଜନାଦେଶ ମିଳିଥିଲା, କିନ୍ତୁ ସଂଖ୍ୟାଗରିଷ୍ଠତା ଜାଣିଶୁଣି ଆମଠାରୁ ଛଡ଼ାଇ ନିଆଯାଇଛି । ସେ ଉଦ୍ଧବ ଠାକରେଙ୍କ ଶିବସେନା ବିଷୟରେ କହିଥିଲେ, ଯେକି କଂଗ୍ରେସ ଏବଂ ଏନସିପି ସହିତ ସରକାର ଗଠନ ପାଇଁ ବିଜେପି ଛାଡିଥିଲେ ।
“ଏକନାଥ ସିନ୍ଦେଙ୍କ ସହ ଆମେ ପୁଣି ଥରେ ଶିବସେନା ସହିତ ଆମର ସରକାର ଗଠନ କରିଛୁ । ଜଣେ ଶିବ ସୈନିକ ମୁଖ୍ୟମନ୍ତ୍ରୀ ହୋଇଛନ୍ତି ।” ସେ ସିନ୍ଦେଙ୍କ ଦାବିକୁ ସୂଚାଇ ଦେଇଛନ୍ତି ଯେ ତାଙ୍କ ଦଳ ହେଉଛି ପ୍ରକୃତ ଶିବସେନା ।
ପୂର୍ବତନ ମୁଖ୍ୟମନ୍ତ୍ରୀ ଫଡନାଭିସ୍ କହିଛନ୍ତି, “ମୁଁ ମୋ ଦଳର ନିର୍ଦ୍ଦେଶ ଅନୁଯାୟୀ ଡେପୁଟି ସିଏମ୍ ହୋଇଅଛି । ମୁଁ ମଧ୍ୟ ଘରେ ବସିଥାନ୍ତି, ଯଦି ଦଳ ମୋତେ କହିଥାନ୍ତା । ସେହି ଦଳ ମୋତେ ମଧ୍ୟ ମୁଖ୍ୟମନ୍ତ୍ରୀ କରିଥିଲା ।”
