Congress Presidential Elections: ମଲ୍ଲିକାର୍ଜୁନ ଖଡ଼ଗେ କଂଗ୍ରେସ ସଭାପତି ପଦ ପାଇଁ ନିର୍ବାଚନ ପ୍ରଚାର ଆରମ୍ଭ କରିଛନ୍ତି । ଶଶି ଥରୁରଙ୍କ ବିଷୟରେ କଳ୍ପନାଜଳ୍ପନା କରାଯାଇଥିଲା ଯେ ସେ ଏହି ନିର୍ବାଚନରୁ ତାଙ୍କ ନାମାଙ୍କନ ପ୍ରତ୍ୟାହାର କରିପାରିବେ, କିନ୍ତୁ ସେ ନିଜର ଟ୍ୱିଟର ଆକାଉଣ୍ଟରେ ଏକ ଭିଡିଓ ଜାରି କରିଛନ୍ତି ଏବଂ ସ୍ପଷ୍ଟ କରିଛନ୍ତି ଯେ ସେ ଏହି ଯୁଦ୍ଧକୁ ସମ୍ପୂର୍ଣ୍ଣ ରୂପେ ଲଢ଼ିବେ ଏବଂ ନାମାଙ୍କନ କରିବେ ।
ଶଶି ଥରୁର ଏକ ଭିଡିଓ ବାର୍ତ୍ତା ପ୍ରକାଶ କରିଛନ୍ତି । ଏଥିରେ ସେ କହିଛନ୍ତି ଯେ ଦିଲ୍ଲୀର ସୂତ୍ରରୁ ଉଦ୍ଧୃତ କରି ତାଙ୍କ ନାମାଙ୍କନ ପ୍ରତ୍ୟାହାର ନେଇ ଆସୁଥିବା ଖବର କେବଳ ଗୁଜବ । ଦଳର ସଭାପତି ପଦ ପାଇଁ ମଲ୍ଲିକାର୍ଜୁନ ଖଡ଼ଗେଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରୁଥିବା ଥିରୁବନନ୍ତପୁରମ୍ ସାଂସଦ କହିଛନ୍ତି, “ମୁଁ ଚ୍ୟାଲେଞ୍ଜରୁ ଦୂରେଇ ଯାଏ ନାହିଁ। ମୁଁ ମୋ ଜୀବନରେ ଏହା କେବେ କରିନାହିଁ ଏବଂ କେବେବି କରିବି ନାହିଁ । ଏହା ଏକ ସଂଘର୍ଷ । ଏହା ଏକ ଏକ ପାର୍ଟି ମଧ୍ୟରେ ବନ୍ଧୁତ୍ୱପୂର୍ଣ୍ଣ ଲଢେଇ ଏବଂ ଶେଷ ପର୍ଯ୍ୟନ୍ତ ଲଢ଼ିବି ।”
ଅକ୍ଟୋବର 17 ରେ କଂଗ୍ରେସ ସଭାପତି ପଦ ପାଇଁ ନିର୍ବାଚନ ହେବାକୁ ଯାଉଛି । ନିର୍ବାଚନ ମୁକାବିଲାରେ ମଲ୍ଲିକାର୍ଜୁନ ଖଡ଼ଗେଙ୍କ ଲଢେଇ କଂଗ୍ରେସ ସାଂସଦ ଶଶି ଥରୁରଙ୍କ ସହିତ ହେବାକୁ ଯାଉଛି ।
