Varun Gandhi Attack on BJP: ସମସାମୟିକ ପ୍ରସଙ୍ଗ ଉଠାଇବା ପାଇଁ ବିଜେପି ନେତା ବରୁଣ ଗାନ୍ଧୀ ସର୍ବଦା ଚର୍ଚାରେ ରହିଆସିଛନ୍ତି । ବଡ କଥା ହେଉଛି ଯଦି ଏହି ପ୍ରସଙ୍ଗ ସମାଜର ହିତରେ ଥାଏ, ତେବେ ବରୁଣ ନିଜ ସରକାରକୁ ଟାର୍ଗେଟ କରିବାକୁ ପଛଘୁଞ୍ଚା ଦିଅନ୍ତି ନାହିଁ । ଏଥର ମଧ୍ୟ ସେ ଉତ୍ତରପ୍ରଦେଶରେ ପୋଲିସ ନିଯୁକ୍ତି ପ୍ରସଙ୍ଗ ଉଠାଇ ବିଜେପି ଉପରେ ବର୍ଷିଛନ୍ତି । ସେ କହିଛନ୍ତି ଯେ ଚାରି ବର୍ଷ ଧରି ୟୁପି ପୋଲିସ୍ ନିଯୁକ୍ତିକୁ ଅପେକ୍ଷା କରିଥିବା ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ବୟସ ଅଧିକ ହୋଇଯାଇଛି ।
ବରୁଣ ଗାନ୍ଧୀ କହିଛନ୍ତି, “ଚାରି ବର୍ଷ ଧରି ଏହି ଯୁବକମାନେ ଅପେକ୍ଷା କରିଛନ୍ତି, କିନ୍ତୁ ନାଁ ସେମାନଙ୍କୁ ନିଯୁକ୍ତି ମିଳୁଛି କିମ୍ବା ନାଁ କୌଣସି ଆଶା ମିଳୁଛି । ଯୁବକମାନେ ସୋସିଆଲ ମିଡିଆରେ କ୍ରମାଗତ ଭାବରେ ସ୍ୱର ଉତ୍ତୋଳନ କରୁଛନ୍ତି କିନ୍ତୁ ତାହା ଶୁଣାଯାଉ ନାହିଁ । ସେହି ଛାତ୍ର ଯେବେ ସାଦକକୁ ଆସିବେ ତାଙ୍କୁ ‘ଉପଦ୍ରବୀ’ ବୋଲି ଆରୋପ ଲାଗିବ । କଣ ଏହା ଅନ୍ୟାୟ ନୁହେଁ କି?
ଯଦି ବରୁଣ ଗାନ୍ଧୀଙ୍କ ଟ୍ୱିଟର ଦେଖାଯାଏ, ତେବେ ଏହା ଦେଖିବାକୁ ମିଳେ ଯେ ସେ ରାଜ୍ୟ କିମ୍ବା କେନ୍ଦ୍ର ସରକାରଙ୍କ ଉପରେ ଖୋଳତାଡ଼ କରିବାକୁ ଦ୍ୱିଧା କରନ୍ତି ନାହିଁ । ସବୁ ପ୍ରସଙ୍ଗରେ ସେ ନିଜ ସରକାରକୁ ଟାର୍ଗେଟ କରିଛନ୍ତି । ୟୁପିରେ ବନ୍ୟା ସମୟରେ ପରୀକ୍ଷା କରିବା କଥା ହେଉ କିମ୍ବା ପରୀକ୍ଷା କେନ୍ଦ୍ରକୁ ପ୍ରାର୍ଥୀଙ୍କ ଦୂରତା ମଧ୍ୟ ହେଉ । ତେବେ ଏହି ଟ୍ୱିଟ୍ରେ ସେ କାହାର ନାମ ନେଇ ନାହାଁନ୍ତି ।
