ମୁମ୍ବାଇ : ଟାଇଗର ଶ୍ରଫ ନିଜର ଆଗାମୀ ଫିଲ୍ମ ଘୋଷଣା କରିଛନ୍ତି । ଆଜି ବାଗୀ ଅଭିନେତା ଟାଇଗର ଶ୍ରଫଙ୍କ ପରବର୍ତ୍ତୀ ଫିଲ୍ମ ‘ଗଣପତ’ର ଟିଜର ରିଲିଜ କରାଯାଇଛି । ଏହି ଟିଜରରେ ତାଙ୍କ ପ୍ରଶଂସକମାନେ ଟାଇଗର ଶ୍ରଫଙ୍କ ଅନ୍ଦାଜକୁ ଖୁବ ପସନ୍ଦ କରୁଛନ୍ତି । ଏହାକୁ ଦେଖିବା ପରେ ପ୍ରଶଂସକଙ୍କ ମଧ୍ୟରେ ଉତ୍ସାହ ବୃଦ୍ଧି ପାଇଛି । ବିକାଶ ବହଲ ‘ଗଣପତ’ର ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମଟି ଭାସୁ ଭଗ୍ନାନୀ, ବିକାଶ ବହଲ, ଦୀପଶିଖା ଦେଶମୁଖ ଏବଂ ଜ୍ୟାକି ଭଗ୍ନାନୀଙ୍କ ଦ୍ୱାରା ପ୍ରଡ୍ୟୁସ କରାଯାଇଛି । ‘ଗଣପତ’ର ସୁଟିଂ 2021 ରେ ଆରମ୍ଭ ହେବ ଏବଂ 2022 ସୁଦ୍ଧା ମୁକ୍ତିଲାଭ କରିବ ।
ଫିଲ୍ମ ଟ୍ରେଣ୍ଡ ଏନାଲିଷ୍ଟ ତରନ୍ ଆଦର୍ଶ ଏହି ସୂଚନା ଦେଇଛନ୍ତି । ଫିଲ୍ମ ‘ଗଣପତ’ରେ ଟାଇଗର ଶ୍ରଫଙ୍କ ଅପୋଜିଟରେ କିଏ ହିରୋଇନ୍ ହେବେ ଏପର୍ଯ୍ୟନ୍ତ ଏହା ପ୍ରକାଶ କରାଯାଇ ନାହିଁ । ଏବେ କେବଳ ଫିଲ୍ମର ମୁଖ୍ୟ ଅଭିନେତା ପ୍ରକାଶ କରାଯାଇଛି । ଟାଇଗର ଶ୍ରଫଙ୍କ ଜବରଦସ୍ତ ବଡ଼ି ଦେଖି କରି ଏହା କହିବା ଭୁଲ୍ ହେବ କି ଫିଲ୍ମରେ ବହୁତ ଆକ୍ସନ ଦେଖିବାକୁ ମିଳିବ । ଟାଇଗର ଶ୍ରଫଙ୍କ ଫିଲ୍ମ ବାଗି 4 ମଧ୍ୟ ଘୋଷଣା କରାଯାଇଛି । ବାଗୀ 4 ର ସୁଟିଂ ଡିସେମ୍ବରରୁ ଆରମ୍ଭ ହେବ । ନିକଟରେ ଫିଲ୍ମର ନିର୍ଦ୍ଦେଶକ ଅହମ୍ମଦ ଖାନ ଏ ବିଷୟରେ ସୂଚନା ଦେଇଛନ୍ତି । କେବଳ ଏତିକି ନୁହେଁ ଟାଇଗର ଶ୍ରଫଙ୍କ ‘ହିରୋପନ୍ଥୀ 2’ର ସୁଟିଂ ମଧ୍ୟ ଖୁବ ଶୀଘ୍ର ଆରମ୍ଭ ହେବାକୁ ଯାଉଛି । ଟାଇଗର ଶ୍ରଫଙ୍କ ଆଗାମୀ ଫିଲ୍ମର କଥା କହିବାକୁ ଗଲେ ଆମେ ଅନେକ ଆକ୍ସନ୍ ଡୋଜ୍ ଦେଖିବାକୁ ପାଇବା ।
