ମୁମ୍ବାଇ : ବଲିଉଡର ଧକ- ଧକ ଗାର୍ଲ ମାଧୁରୀ ଦୀକ୍ଷିତ ଏବଂ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ଏକ ଥ୍ରୋବ୍ୟାକ୍ ଭିଡିଓ ସୋସିଆଲ ମିଡିଆର ଖୁବ ଦୃଷ୍ଟି ଆକର୍ଷଣ କରିଛି । ଭିଡିଓରେ ଉଭୟ ଅଭିନେତ୍ରୀ ‘ଏକ୍ ଦୋ ତିନ’ ଗୀତରେ ଧମକେଦାର ଡ୍ୟାନ୍ସ କରୁଛନ୍ତି । ଏହି ଭିଡିଓକୁ ଫ୍ୟାନ୍ସ ପେଜ୍ରୁ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରାଯାଇଛି । ଭିଡିଓରେ ସଲମାନ ଖାନ ମଧ୍ୟ ନଜର ଆସିଛନ୍ତି । ମାଧୁରୀ ଦୀକ୍ଷିତ ଏବଂ ଜ୍ୟାକଲିନ୍ ଫର୍ଣ୍ଣାଣ୍ଡିଜଙ୍କ ଏହି ଭିଡିଓକୁ ତାଙ୍କର ପ୍ରଶଂସକମାନେ ଖୁବ ପସନ୍ଦ କରୁଅଛନ୍ତି ।
ମାଧୁରୀ ଦୀକ୍ଷିତଙ୍କ ଵର୍କଫ୍ରଣ୍ଟର କଥା କରିବାତ ଏହି ଅଭିନେତ୍ରୀଙ୍କୁ ଗତ ବର୍ଷ କଲଙ୍କ ଏବଂ ଟୋଟଲ ଧମାଲରେ ଦେଖିବାକୁ ମିଳିଥିଲା । ମାଧୁରୀ ଦୀକ୍ଷିତ ରିୟଲିଟି ଟିଭି ସୋ’ରେ ଜଜ୍ ଭାବରେ ଫେରିବାକୁ ଯାଉଛନ୍ତି । ତାଙ୍କୁ ରିଅଲିଟି ସୋ ‘ଡ୍ୟାନ୍ସ ଦିୱାନ’ର ନୂଆ ସିଜନରେ ଦେଖିବାକୁ ମିଳିବ । କ୍ୱାରାଣ୍ଟିନ୍ ସମୟକୁ ଧ୍ୟାନରେ ରଖି ସେ ନୃତ୍ୟ ଉତ୍ସାହୀମାନଙ୍କୁ ଅନୁରୋଧ କରୁଛନ୍ତି କି ସେମାନଙ୍କ ଘରର ଯେ କୌଣସି କୋଣକୁ ବାଛନ୍ତୁ ଏବଂ ତା’ପରେ ସେମାନଙ୍କ ନୃତ୍ୟ ପ୍ରତିଭା ପ୍ରଦର୍ଶନ ଦେଖାଇବାକୁ ଏକ ଭିଡିଓ ରେକର୍ଡ କରନ୍ତୁ । ମାଧୁରୀ ଦୀକ୍ଷିତଙ୍କୁ ଆଗାମୀ ଦିନରେ ଅନେକ ବଡ଼ ପ୍ରକଳ୍ପରେ ଦେଖିବାକୁ ମିଳିବ ।
ତେବେ ଜ୍ୟାକଲିନ ଫର୍ଣ୍ଣାଣ୍ଡିଜ ଫିଲ୍ମ ‘ଆଲାଦ୍ଦିନ’ରୁ ବଲିଉଡରେ ଡେବ୍ୟୁ କରିଥିଲେ । ଏହି ଫିଲ୍ମରେ ରିତିଶ ଦେଶମୁଖ ମଧ୍ୟ ତାଙ୍କ ସହିତ ମୁଖ୍ୟ ଭୂମିକାରେ ନଜର ଆସିଥିଲେ । ତେବେ ସେ ସଲମାନ ଖାନଙ୍କ ସହ ଫିଲ୍ମ ‘କିକ’ରେ ପରିଚିତ ହୋଇଥିଲେ । ଏହି ଫିଲ୍ମରେ ଜ୍ୟାକଲିନ୍ ଫର୍ଣ୍ଣାଣ୍ଡିସଙ୍କ ଅଭିନୟକୁ ବହୁତ ପ୍ରଶଂସା କରାଯାଇଥିଲା । ଗତ ବର୍ଷ ଜ୍ୟାକଲିନ୍ ଫର୍ଣ୍ଣାଣ୍ଡିସ ସୁଶାନ୍ତ ସିଂ ରାଜପୁତଙ୍କ ସହ ଫିଲ୍ମ ‘ଡ୍ରାଇଭ୍’ରେ ଅଭିନୟ କରିଥିଲେ । ପୂର୍ବ ବର୍ଷ ଜ୍ୟାକଲିନ୍ ଫର୍ଣ୍ଣାଣ୍ଡିସ ଏକ ଗୀତରେ ଅଭିନୟ କରିଥିଲେ, ଯେଉଁଥିରେ ବିଗ ବସ 13 ପ୍ରତିଯୋଗୀ ଆସିମ ରିଆଜ୍ ମଧ୍ୟ ଅଭିନୟ କରିଥିଲେ । ତାଙ୍କର ଗୀତ ‘ମେରେ ଅଙ୍ଗାନେ ମେଁ’ ଯାହାକି ହୋଲି ସହିତ ଜଡିତ ଥିଲା, ଏହା ପ୍ରଶଂସକମାନଙ୍କ ଠାରୁ ବହୁତ ଭଲ ପାଇବା ପାଇଥିଲା ।
