ମୁମ୍ବାଇ: ଅଭିନେତା ସୋନୁ ସୁଦ ନିଜ କାମରେ ପୁଣି ଥରେ ସମସ୍ତଙ୍କ ହୃଦୟ ଜିତିଛନ୍ତି । ଅଭିନେତାଙ୍କ ପାଇଁ 12 ବର୍ଷ ଧରି ଯନ୍ତ୍ରଣାରେ ଛଟପଟ ହେଉଥିବା ଜଣେ ଯୁବକ ସୁଖମୟ ଜୀବନ ବିତାଇବ । ବର୍ତ୍ତମାନ ସେହି ଯୁବକ ପୁଣି ଥରେ ସାଧାରଣ ଜୀବନଯାପନ କରିବାକୁ ସମର୍ଥ ହେବ । ଏହି ନିକଟରେ ଜଣେ ଯୁବକ ସୋସିଆଲ ମିଡିଆରେ ଭିଡିଓ ମାଧ୍ୟମରେ ସମସ୍ତଙ୍କୁ ନିଜର କାହାଣୀ କହିଥିଲେ । ସେ ଭିଡିଓ ମାଧ୍ୟମରେ ସୋନୁଙ୍କୁ ସାହାଯ୍ୟ ମାଗିଥିଲେ ।
ବର୍ତ୍ତମାନ ଆଶା ମୁତାବକ ସୋନୁ ସୁଦ ସମୟ ନ ଗଡ଼ାଇ ସେହି ଯୁବକଙ୍କର ଯନ୍ତ୍ରଣା ଉପରେ ମଲହମ ଲଗାଇବାର କାର୍ଯ୍ୟ କଲେ । ବର୍ତମାନ ଅଭିନେତାଙ୍କ ଟ୍ୱିଟ୍ ସେହି ଯୁବକକୁ ପୁନର୍ବାର ବଞ୍ଚିବାର ସୁଯୋଗ ଦେଇଛି । ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓରେ ଜଣେ ଯୁବକ କହୁଛନ୍ତି ଯେ ସେ ଗତ 12 ବର୍ଷ ଧରି ସର୍ବାଇକଲ ସମସ୍ୟା ସହ ସଂଘର୍ଷ କରୁଛନ୍ତି । ତାଙ୍କର ସମସ୍ୟା ଏତେ ବଢିଯାଇଛି ଯେ ବର୍ତ୍ତମାନ ସେ ନିଜର ବ୍ୟକ୍ତିଗତ କାମ ମଧ୍ୟ କରିପାରି ନାହାଁନ୍ତି । ଭିଡିଓରେ ଯୁବକ ଜଣକ କହୁଛନ୍ତି ଯେ ତାଙ୍କ ପରିବାର ମଧ୍ୟ ଚିକିତ୍ସା କରି ପାରୁ ନାହାଁନ୍ତି । ସହାୟତା ପାଇଁ ସୋନୁଙ୍କୁ ଅପିଲ କରାଯାଇଛି ।
ଅଭିନେତା ସୋନୁ ସୁଦ ସେହି ଯୁବକଙ୍କୁ ସାହାଯ୍ୟ କରିବାକୁ ପ୍ରତିଶୃତି ଦେଇଛନ୍ତି । ଅଭିନେତା ଭିଡିଓରେ ଟ୍ୱିଟ୍ କରି କହିଛନ୍ତି ଯେ 12 ବର୍ଷର ଦୁଃଖ ଦୂର କରିବାର ସମୟ ଆସିଛି । ଅଭିନେତା ଟ୍ୱିଟରେ ଲେଖିଛନ୍ତି- 12 ବର୍ଷର ଅସୁବିଧା ବୁଝିବା ଶେଷ, ତୁମେ 20 ରେ ଯାତ୍ରା କରିବ ଏବଂ 24 ରେ ତୁମର ଅସ୍ତ୍ରୋପଚାର ହେବ । ସୋନୁଙ୍କ ଏତିକି କହିବା ସେହି ଯୁବକଙ୍କର ସମସ୍ତ ସମସ୍ୟାକୁ କମ କରିବା କାମ କରୁଅଛି । ସୋନୁଙ୍କଠାରୁ ଏପରି ବିଶ୍ୱାସ ପାଇବା ତାଙ୍କ ମୁହଁରେ ହସ ଆଣିଦେଉଛି । ପ୍ରଶଂସକମାନେ ମଧ୍ୟ ସୋନୁଙ୍କ ଉଦାରତା ପାଇଁ ପ୍ରଭାବିତ ହେଉଛନ୍ତି ।
