ମୁମ୍ବାଇ : ଉତ୍ତରାଖଣ୍ଡର ଚମ୍ପାବତ ବାସିନ୍ଦା ପୱନଦୀପ ରାଜନ ‘ଇଣ୍ଡିଆନ୍ ଆଇଡଲ୍ ସିଜନ୍ 12’ ଟ୍ରଫି ଜିତିଛନ୍ତି । ‘ ଦ ଗ୍ରେଟେଷ୍ଟ ଫାଇନାଲ୍ ଏଭର୍’ରେ ବିଜେତା ଘୋଷିତ ହେବା ପରେ ତାଙ୍କୁ 25 ଲକ୍ଷ ଟଙ୍କା ଚେକ୍ ଏବଂ ପୁରସ୍କାରରେ ମାରୁତି ସୁଜୁକି ସୁଇଫ୍ଟ ଡିଜାୟର ମିଳିଥିଲା । ଇଣ୍ଡିଆନ୍ ଆଇଡଲ୍ 12 ର ମେକର୍ସ ରବିବାର ବିଳମ୍ବିତ ରାତିରେ ଏହା ଘୋଷଣା କରିଛନ୍ତି ।
କହିବାକି ପୱନଦୀପ ରାଜନଙ୍କୁ ଶୋ’ର ସବୁଠାରୁ ଶକ୍ତିଶାଳୀ ତଥା ଟ୍ରଫି ପାଇଁ ପ୍ରଥମ ପ୍ରତିଯୋଗୀ ଭାବରେ ବିବେଚନା କରାଯାଇଥିଲା । ଶୋ’ରେ ପୱନଦୀପ ରାଜନ ବିଜେତା ହୋଇଥିବାବେଳେ ତାଙ୍କ ସହ-ପ୍ରତିଯୋଗୀ ଅରୁଣିତା କଞ୍ଜିଲା ପ୍ରଥମ ରନର୍ ଅପ୍ ହୋଇଥିଲେ ଏବଂ ସାୟଲି କାମ୍ବଲେ ଦ୍ୱିତୀୟ ରନର୍ ଅପ୍ ହୋଇଥିଲେ । ଏଦୁହିଁଙ୍କୁ ମେକର୍ସ 5 ଲକ୍ଷ ଟଙ୍କା ଲେଖାଏଁ ଚେକ୍ ଭାବରେ ସମ୍ମାନିତ କରିଥିଲେ ।
ଏଥି ସହିତ ତୃତୀୟ ରନର୍ ଅପ୍ ମହମ୍ମଦ ଦାନିଶ୍ ଏବଂ ଚତୁର୍ଥ ରନର୍ ଅପ୍ ନିହାଲ୍ ଟଉରୋଙ୍କୁ ତିନି-ତିନି ଲକ୍ଷ ଟଙ୍କାର ଚେକ ଦିଆଯାଇଥିଲା । ଆଉ ଏହା ସହିତ ‘ଇଣ୍ଡିଆନ୍ ଆଇଡଲ୍ 12’ ର ଏହି ଚମତ୍କାର ଯାତ୍ରା ସମାପ୍ତ ହୋଇଛି ।
ଶୋ ଜିତିବା ପରେ ପୱନଦୀପ ରାଜନ କହିଛନ୍ତି, “ଇଣ୍ଡିଆନ୍ ଆଇଡଲ୍ ସିଜନ୍ 12 ର ଏକ ଅଂଶ ହେବା ଏକ ସ୍ୱପ୍ନ ଥିଲା ଏବଂ ତା’ପରେ ଟପ୍ 6 ର ଅଂଶ ହେବା ଆଶ୍ଚର୍ଯ୍ୟଜନକ ଥିଲା, କିନ୍ତୁ ଟାଇଟଲ୍ ଜିତିବା ଅବିଶ୍ୱସନୀୟ ଅଟେ । ମୋତେ ଏବେ ମଧ୍ୟ ଲାଗୁଛି ଯେ ମୁଁ ସ୍ୱପ୍ନ ଦେଖୁଛି । ମୁଁ ମୋର ସମସ୍ତ ପ୍ରଶଂସକ ଏବଂ ଦର୍ଶକଙ୍କୁ ଧନ୍ୟବାଦ ଦେବାକୁ ଚାହୁଁଛି ଯେଉଁମାନେ ମୋତେ ଭୋଟ୍ ଦେଇଛନ୍ତି ଏବଂ ମୋତେ ଏହି ସମ୍ମାନଜନକ ପୁରସ୍କାର ଦେଇଛନ୍ତି । “
ପୱନଦୀପ ତାଙ୍କ ଯାତ୍ରା ସହିତ ଜଡିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ସେ କହିଛନ୍ତି, “ଶୋ’ର ନିର୍ମାତା ଠାରୁ ଆରମ୍ଭ କରି ସଂଗୀତଜ୍ଞ, ଆମର କୋଚ୍ ଏବଂ ମୋର ସାଥୀ ପ୍ରତିଯୋଗୀ ପର୍ଯ୍ୟନ୍ତ ଏହି ଟ୍ରଫି ଆପଣଙ୍କ ସମସ୍ତଙ୍କର ଅଟେ । ଆପଣ ସମସ୍ତଙ୍କୁ ଅନେକ ଅନେକ ଧନ୍ୟବାଦ ।”
