ମୁମ୍ବାଇ : ବରୁଣ ଧାୱନ ଏବଂ କ୍ରିତି ସାନନଙ୍କ ଫିଲ୍ମ ଭେଡିୟା ପ୍ରେକ୍ଷାଳୟରେ ମୁକ୍ତିଲାଭ କରିଛି । ଦୀର୍ଘ ସମୟ ଧରି ଏହି ଚଳଚ୍ଚିତ୍ରର ପ୍ରଶଂସକଙ୍କ ମଧ୍ୟରେ ଉଦିପନା ସୃଷ୍ଟି ହୋଇଥିଲା । ଯେବେଠାରୁ ଫିଲ୍ମର ଟ୍ରେଲର ବାହାରକୁ ଆସିଲା, ଫିଲ୍ମ ଦେଖିବା ପାଇଁ ଦର୍ଶକଙ୍କ ମଧ୍ୟରେ ବହୁତ ଉତ୍ସାହ ଦେଖାଦେଇଛି । ବର୍ତ୍ତମାନ ଯେତେବେଳେ ଏହି ଫିଲ୍ମ ରିଲିଜ୍ ହୋଇଛି, ଲୋକମାନେ ଏହି ଚଳଚ୍ଚିତ୍ର ଉପରେ ପଜିଟିଭ ରିସ୍ପନସ ଦେଉଛନ୍ତି । ଏଥି ସହିତ, ଫିଲ୍ମ ରିଲିଜ୍ ହେବା ପରେ ସମସ୍ତଙ୍କ ଧ୍ୟାନ ଏହାର ଓପନିଂ ବକ୍ସ ଅଫିସ୍ କଲେକ୍ସନ୍ ଉପରେ ରହିଥାଏ ।
‘ଭେଡିୟା’ ଚଳଚ୍ଚିତ୍ରର ଟିଜର ଏବଂ ଟ୍ରେଲରକୁ ଦର୍ଶକମାନେ ଭଲଭାବେ ଗ୍ରହଣ କରିଥିଲେ ଏବଂ ଗୀତଗୁଡ଼ିକ ମଧ୍ୟ ଫିଲ୍ମର ସୁପର ହିଟ୍ ହୋଇଥିଲା । ଏହାର ନିର୍ଦ୍ଦେଶନା ଦେଇଛନ୍ତି ଅମର କୌଶିକ, ଯିଏ ‘ସ୍ତ୍ରୀ’ ପରି କମେଡି ହରର ଚଳଚ୍ଚିତ୍ର ନିର୍ମାଣ କରିଥିଲେ, ଯାହା ଦର୍ଶକଙ୍କୁ ବହୁତ ପସନ୍ଦ ଆସିଥିଲା । ଏଥି ସହିତ ପ୍ରାୟ 60-70 କୋଟି ବଜେଟରେ ନିର୍ମିତ ଏହି ଚଳଚ୍ଚିତ୍ରର ପ୍ରଥମ ଦିନର ସଂଗ୍ରହ ମଧ୍ୟ ସାମ୍ନାକୁ ଆସିଛି । ବାଣିଜ୍ୟ ବିଶ୍ଳେଷକ ତରନ ଆଦର୍ଶଙ୍କ ରିପୋର୍ଟ ଅନୁଯାୟୀ ଏହି ଫିଲ୍ମ ପ୍ରଥମ ଦିନରେ ପ୍ରାୟ 7.48 କୋଟି ରୋଜଗାର କରିଛି । ଯଦି ଦେଖାଯାଏ, ବଜେଟ୍ ଅନୁଯାୟୀ ଫିଲ୍ମର ଓପନିଂ କଲେକ୍ସନ୍ ଭଲ ଅଛି । ତେବେ ଫିଲ୍ମ ବିଷୟରେ ଯେଉଁ ଉଦିପନା ଥିଲା ତାହା ଅନୁଯାୟୀ ପ୍ରଥମ ଦିନରେ ରୋଜଗାର ଅଧିକ ନଥିଲା ।
