Snake and Mongoose fight: ଆମମାନଙ୍କ ମଧ୍ୟରୁ ଅଧିକାଂଶ ନେଉଳ ସାପର ମୂଖ୍ୟ ଶତ୍ରୁ ହେବାର କାହାଣୀ ଶୁଣି ବଢିଛନ୍ତି । ବର୍ତ୍ତମାନ ଇଣ୍ଟରନେଟ୍ ଏକ ଭିଡିଓ ଆଉଟ ହୋଇଛି, ଯେଉଁଥିରେ ଦର୍ଶାଯାଇଛି ଯେ ଏହି ଦୁଇ ଶିକାରୀ ପ୍ରକୃତରେ ଫାଇଟ କରିବାବେଳେ ପରିସ୍ଥିତି କେତେ ଖରାପ ହୋଇପାରେ ।
ୟୁଟ୍ୟୁବରେ ସେୟାର ହୋଇଥିବା ଭିଡିଓର ଶୀର୍ଷକ ରହିଛି, “ନେଉଳ ବନାମ କଳା କୋବ୍ରା – ଦୁଇ ଜଣ ପ୍ରାକୃତିକ ପ୍ରତିଦ୍ୱନ୍ଦ୍ୱୀ ଏବଂ ଚରମ ବଣୁଆ ଜନ୍ତୁ)” । କ୍ଲିପରେ ନେଉଳ ଏବଂ କୋବ୍ରା ମଧ୍ୟରେ ଲଢେଇ ଦେଖାଯାଇଛି । ଭିଡିଓ ଅଗ୍ରଗତି କଲାବେଳେ ନେଉଳ ସାପକୁ ନିଜର ସମସ୍ତ ଶକ୍ତି ସହିତ କାମୁଡ଼ୁଥିବା ଦେଖିବାକୁ ମିଳିଥାଏ, ସେତେବେଳେ କୋବ୍ରା ଠିକ୍ ସେହି ସମୟରେ ନେଉଳ ଉପରେ ଆଘାତ କରିବାକୁ ଚେଷ୍ଟା କରେ । ଅବଶ୍ୟ, ଶେଷରେ ନେଉଳ କୋବ୍ରାକୁ ପରାଜୟର ସ୍ଥିତିକୁ ଆଣିବାରେ ସଫଳ ହୁଏ ।
ଏହି କ୍ଲିପ୍ 27 ମିଲିୟନ୍ ଥର ଦେଖାଯାଇଛି ଏବଂ ଢେରସାରା ପ୍ରତିକ୍ରିୟା ଗ୍ରହଣ କରାଯାଇଛି । ଅନେକ ଲୋକ ଏହି ବିତର୍କରେ ଯୋଗ ଦେଇଥିଲେ ଏବଂ ଯୁଦ୍ଧରେ କିଏ ଜିତିବ ସେ ବିଷୟରେ ଆଲୋଚନା ଆରମ୍ଭ କରିଥିଲେ ।
ଜଣେ ୟୁଟ୍ୟୁବ୍ ୟୁଜର ଲେଖିଛନ୍ତି, “ଏହି ନେଉଳ ଆଶ୍ଚର୍ଯ୍ୟଜନକ ଅଟେ । ଏତେ ଦ୍ରୁତ ଏବଂ ସଠିକ୍,” ଅନ୍ୟଜଣେ ଲେଖିଛନ୍ତି, “ଦେଖାଯାଉଛି ଯେ ନେଉଳ ଏକାଧିକ ଥର କାମୁଡିଛି କିନ୍ତୁ ସାପ ଶେଷ ନହେବା ପର୍ଯ୍ୟନ୍ତ ସେ ଧ୍ୟାନ ଦେଇନଥିଲା ଏବଂ ଯୁଦ୍ଧ ଜାରି ରଖିଥିଲା ।”
