Shubman Gill Update: ଚେନ୍ନାଇର ଡାକ୍ତରଖାନାରୁ ଭାରତର ଯୁବ ବ୍ୟାଟ୍ସମ୍ୟାନ୍ ଶୁଭମନ ଗିଲଙ୍କୁ ଡିସଚାର୍ଜ କରାଯାଇଛି । ଅକ୍ଟୋବର 8 ରବିବାର ଦିନ ଶୁଭମନ ଗିଲ ଚେନ୍ନାଇର ଏକ ଡାକ୍ତରଖାନାରେ ଭର୍ତ୍ତି ହୋଇଥିଲେ । ଗଣମାଧ୍ୟମ ରିପୋର୍ଟ ଅନୁଯାୟୀ, ଚେନ୍ନାଇରୁ ଆଫଗାନିସ୍ତାନ ମ୍ୟାଚ୍ ପାଇଁ ଟିମ୍ ଇଣ୍ଡିଆ ଦିଲ୍ଲୀ ଯିବା ପୂର୍ବରୁ ଶୁଭମନ ଗିଲଙ୍କ ପ୍ଲେଟଲେଟ କାଉଣ୍ଟ ହ୍ରାସ ପାଇଥିଲା । ଏହି କାରଣରୁ ତାଙ୍କୁ ରବିବାର ଚେନ୍ନାଇର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ତେବେ ମଙ୍ଗଳବାର ସକାଳେ ପିଟିଆଇ ନ୍ୟୁଜ୍ ଏଜେନ୍ସିର ଖବର ମୁତାବକ, ଶୁଭମନ ଗିଲଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି । ଭାରତର ଯୁବ ବ୍ୟାଟ୍ସମ୍ୟାନ୍ ବର୍ତ୍ତମାନ ହୋଟେଲକୁ ଫେରିଛନ୍ତି, ଯେଉଁଠାରେ ବିସିସିଆଇ ମେଡିକାଲ ଟିମ୍ ତାଙ୍କ ସ୍ୱାସ୍ଥ୍ୟ ଉପରେ ତୀକ୍ଷ୍ଣ ନଜର ରଖିଛନ୍ତି ।
