ନୂଆଦିଲ୍ଲୀ: କରୋନା ଭାଇରସ ଭାରତରେ 6 ମାସ ପୁରା କରିଛି । ଛଅ ମାସ ପରେ ମଧ୍ୟ ଦେଶରେ କରୋନା ମାମଲାରେ ରେକର୍ଡ ବୃଦ୍ଧି ଘଟିଛି । ପୂର୍ବ 24 ଘଣ୍ଟା ମଧ୍ୟରେ 52 ହଜାରରୁ ଅଧିକ କରୋନା ମାମଲା ସାମ୍ନାକୁ ଆସିଅଛି । ଏହାପୂର୍ବରୁ 27 ଜୁଲାଇରେ ସର୍ବାଧିକ 49,931 ମାମଲା ପଞ୍ଜିକୃତ ହୋଇଥିଲା । ଏଥି ସହିତ 24 ଘଣ୍ଟାରେ 775 ମୃତ୍ୟୁ ଘଟିଛି, ବ୍ରାଜିଲ, ଆମେରିକା ଏବଂ ମେକ୍ସିକୋ ପରେ ଏହି ସଂଖ୍ୟା ବିଶ୍ୱରେ ସର୍ବାଧିକ । ସ୍ୱାସ୍ଥ୍ୟ ମନ୍ତ୍ରଣାଳୟ ତାଜା ସଂଖ୍ୟା ମୁତାବକ ଦେଶରେ ସଂକ୍ରମିତ ଲୋକଙ୍କ ସଂଖ୍ୟା ପାଖାପାଖି 16 ଲକ୍ଷ ପାଖାପାଖି ହୋଇଯାଇଛି । ଏଥିସହ ପ୍ରାୟ 35 ହଜାର ଲୋକଙ୍କ ମୃତ୍ୟୁ ଘଟିଛି ।
10 ଲକ୍ଷରୁ ଅଧିକ ଠିକ ହୋଇଛନ୍ତି
ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ସଂଖ୍ୟା ମୁତାବକ ଭାରତରେ ଏପର୍ଯ୍ୟନ୍ତ 15 ଲକ୍ଷ 83 ହଜାର 792 ଲୋକ କୋରୋନାରେ ସଂକ୍ରମିତ ହୋଇଛନ୍ତି । ଏଥିମଧ୍ୟରୁ 34,968 ଜଣଙ୍କର ମୃତ୍ୟୁ ହୋଇଥିବାବେଳେ 10 ଲକ୍ଷ 20 ହଜାର 582 ଜଣ ମଧ୍ୟ ଠିକ ହୋଇଛନ୍ତି । ପାଞ୍ଚ ଲକ୍ଷ 28 ହଜାର ଲୋକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଅର୍ଥାତ୍ ଦେଶରେ 33.35% ସକ୍ରିୟ ମାମଲା ରହିଛି, 64.43% ଚିକିତ୍ସା ପରେ ଆରୋଗ୍ୟ ଲାଭ କରିଛନ୍ତି ଏବଂ 2.20% ଲୋକ ପ୍ରାଣ ହରାଇଛନ୍ତି ।
କରୋନା ସଂକ୍ରମଣ ହିସାବରେ ଭାରତ ବିଶ୍ୱର ତୃତୀୟ ସର୍ବାଧିକ ପ୍ରଭାବିତ ଦେଶ ଅଟେ । ଆମେରିକା ଓ ବ୍ରାଜିଲ ପରେ ଗୋଟିଏ ଦିନରେ ସବୁଠାରୁ ଅଧିକ ମାମଲା ମଧ୍ୟ ଭାରତରେ ଦର୍ଜ କରାଯାଉଛି । କିନ୍ତୁ ଯଦି ଆମେ ପ୍ରତି 10 ଲକ୍ଷ ଜନସଂଖ୍ୟାରେ ସଂକ୍ରମିତ ରୋଗ ଏବଂ ମୃତ୍ୟୁହାର ବିଷୟରେ କହିବା, ତେବେ ଅନ୍ୟ ଦେଶ ତୁଳନାରେ ଭାରତ ବହୁତ ଭଲ । ଭାରତ ତୁଳନାରେ ଅଧିକ ମାମଲା ଆମେରିକାରେ (4,568,037), ବ୍ରାଜିଲ (2,555,518)ରେ ଅଛି । ଦେଶରେ କରୋନା ମାମଲାରେ ବୃଦ୍ଧି ହେବାର ଗତି ମଧ୍ୟ ବିଶ୍ୱରେ ଦ୍ୱିତୀୟ ସ୍ଥାନରେ ରହିଅଛି ।
ଆକ୍ଟିଭ କେସ ମାମଲାରେ ଟପ-5 ରାଜ୍ୟ
ସଂଖ୍ୟା ମୁତାବକ, ଦେଶରେ ବର୍ତ୍ତମାନ ପ୍ରାୟ ପାଞ୍ଚ ଲକ୍ଷ କରୋନା ଆକ୍ଟିଭ ମାମଲା ରହିଛି । ସବୁଠାରୁ ବେଶି ସକ୍ରିୟ ମାମଲା ମହାରାଷ୍ଟ୍ରରେ ଅଛି । ମହାରାଷ୍ଟ୍ରରେ ଏକ ଲକ୍ଷ 50 ହଜାର ସଂକ୍ରମିତ ଲୋକଙ୍କୁ ଡାକ୍ତରଖାନାରେ ଚିକିତ୍ସା କରାଯାଉଛି । ଏହା ପରେ ଦ୍ୱିତୀୟ ନମ୍ବରରେ ତାମିଲନାଡୁ, ତୃତୀୟ ନମ୍ବରରେ ଦିଲ୍ଲୀ, ଚତୁର୍ଥ ନମ୍ବରରେ ଗୁଜୁରାଟ ଏବଂ ପଞ୍ଚମ ନମ୍ବରରେ ପଶ୍ଚିମବଙ୍ଗ ଅଛି । ଏହି ପାଞ୍ଚ ରାଜ୍ୟରେ ସବୁଠାରୁ ବେଶି ଆକ୍ଟିଭ କେସ ଅଛି । ଆକ୍ଟିଭ କେସ ମାମଲାରେ ଭାରତ ବିଶ୍ୱରେ ତୃତୀୟ ସ୍ଥାନରେ ରହିଛି, ଅର୍ଥାତ୍ ଭାରତ ହେଉଛି ଏମିତି ତୃତୀୟ ଦେଶ ଯେଉଁଠାରେ ଅଧିକାଂଶ ସଂକ୍ରମିତ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
