ମୁମ୍ବାଇ : ବଲିଉଡ ଅଭିନେତା ବବି ଦେଓଲଙ୍କ ୱେବ୍ ସିରିଜ୍ ‘ଆଶ୍ରମ’ର ଏପିସୋଡ୍ 2 ରିଲିଜ୍ ହୋଇଛି । ପ୍ରଥମ ସିଜିନର ସାନଦାର ସଫଳତା ପରେ ସମସ୍ତେ ଉତ୍ସାହର ସହିତ ଏହାର ଦ୍ୱିତୀୟ ସିଜିନକୁ ଅପେକ୍ଷା କରିଥିଲେ । ଏଭଳି ପରିସ୍ଥିତିରେ ଏପିସୋଡ୍ 2 ର ଟ୍ରେଲର ମଧ୍ୟ ସୋସିଆଲ ମିଡିଆରେ ଭଲ ରିସ୍ପନସ ମିଳିଥିଲା । ୱେବ୍ ସିରିଜ୍ ଏପିସୋଡ୍ 1 ଅଗଷ୍ଟରେ ମୁକ୍ତିଲାଭ କରିଥିଲା । ଯାହାକୁ ଦର୍ଶକମାନେ ବହୁତ ପସନ୍ଦ କରିଥିଲେ ।
ପ୍ରକାଶ ଝାଙ୍କ ନିର୍ଦ୍ଦେଶନାରେ ନିର୍ମିତ ୱେବ୍ ସିରିଜ୍ ‘ଆଶ୍ରମ’ର ଏପିସୋଡ୍ 2 ର ନଅଟି ଏପିସୋଡ୍ MX ପ୍ଲେୟାରରେ ଦେଖିପାରିବେ । ୱେବ୍ ସିରିଜ୍ ‘ଆଶ୍ରମ’ରେ ବବି ଦେଓଲ୍ କାଶୀପୁରର ବାବା ନିରାଲାଙ୍କ ନେଗେଟିଭ ଭୂମିକାରେ ଅଭିନୟ କରିଛନ୍ତି ।
ଏଠାରେ ଦେଖନ୍ତୁ ଭିଡ଼ିଓ…
ୱେବ୍ ସିରିଜ୍ ‘ଆଶ୍ରମ’ର ଏପିସୋଡ୍ 2 ଦର୍ଶକଙ୍କ ପାଇଁ କିଛି ସରପ୍ରାଇଜ ଅଛି କାହିଁକି ନା ଏହା ପୂର୍ବ ଅପେକ୍ଷା ଡାର୍କ ଏବଂ ଆକର୍ଷଣୀୟ ହେବାକୁ ଯାଉଛି । ଏପିସୋଡ୍ 2 ରେ ଆପଣ ଲୁକ୍କାୟିତ ରହସ୍ୟ ଜାଣିବାକୁ ପାଇବେ । କେବଳ ଏତିକି ନୁହେଁ, ଆପଣ ବାବାଙ୍କ ଚରିତ୍ରକୁ ମଧ୍ୟ ଟିକିଏ ନିକଟରୁ ଦେଖିବାକୁ ପାଇବେ ।
ୱେବ୍ ସିରିଜ୍ ‘ଆଶ୍ରମ’ରେ ବବି ଦେଓଲଙ୍କ ବ୍ୟତୀତ ଅଦିତିତ ପୋହନକର, ଚନ୍ଦନ ରାୟ ସାନିୟାଲ, ଦର୍ଶନ କୁମାର, ତୁଷାର ପାଣ୍ଡେ, ଅନୁପ୍ରିୟା ଗୋୟନକା, ତ୍ରିଘା ଚୌଧୁରୀ, ସଚିନ ଶ୍ରଫ ଏବଂ ଅନିଲ ରସ୍ତୋଗୀଙ୍କ ଭଳି ଅଭିନେତା ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
