ମୁମ୍ବାଇ: ଅକ୍ଷୟ କୁମାରଙ୍କ ଡେବ୍ୟୁ ମ୍ୟୁଜିକ୍ ଭିଡିଓ ‘ଫିଲହାଲ’ ରିଲିଜ୍ ହେବାର ଏକ ବର୍ଷରୁ ଅଧିକ ବିତିଗଲାଣି । କିନ୍ତୁ ପ୍ରଶଂସକଙ୍କ ମଧ୍ୟରେ ଏହାର କ୍ରେଜ୍ ଏବେ ବି ରହିଅଛି । ଅକ୍ଷୟ କୁମାରଙ୍କ ଏହି ଭିଡିଓ ୟୁଟ୍ୟୁବରେ 90 କୋଟି ସଂଖ୍ୟା ଅତିକ୍ରମ କରିଛି, ଯାହା ଏକ ବଡ଼ ଉପଲବ୍ଧି ଅଟେ । ‘ଫିଲହାଲ’ ଗୀତ ଭିଡିଓରେ ଅକ୍ଷୟ କୁମାରଙ୍କ ବ୍ୟତୀତ କ୍ରିତି ସେନନଙ୍କ ଭଉଣୀ ନୁପୁର ସେନନ ନଜର ଆସିଛନ୍ତି । ଏହି ଗୀତକୁ ପଞ୍ଜାବୀ ଗାୟକ ବି ପ୍ରାକ ଗାଇଥିଲେ ।
ଏଠାରେ ଦେଖନ୍ତୁ ଭିଡ଼ିଓ..
ଅକ୍ଷୟ କୁମାର ଏବଂ ନୁପୁର ସେନନଙ୍କ ଗୀତ ‘ଫିଲହାଲ’ ଏକ ଅଧୁରା ପ୍ରେମ କାହାଣୀ ଉପରେ ଆଧାରିତ, ଯେଉଁଥିରେ ସମାଜ ଦ୍ୱାରା ନିର୍ମିତ ନିୟମ ଯୋଗୁଁ ଦୁଇ ପ୍ରେମୀଯୁଗଳ ଗୋଟିଏ ହୋଇ ପାରି ନାହାନ୍ତି । ଏହି ଭିଡିଓକୁ ଏପର୍ଯ୍ୟନ୍ତ 90 କୋଟି 8 ଲକ୍ଷ ଥର ଦେଖାଯାଇଅଛି । ବି ପ୍ରାକ ଏହି ଗୀତକୁ ଗାଇବା ସହ ସଙ୍ଗୀତ ମଧ୍ୟ ଦେଇଛନ୍ତି । ଜାନି ଏହାର ଗୀତ ଲେଖିଛନ୍ତି ଏବଂ ଏହାକୁ କମ୍ପୋଜ ମଧ୍ୟ କରିଛନ୍ତି । ଅରବିନ୍ଦ ଖେରା ଏହାର ନିର୍ଦ୍ଦେଶନା ଦେଇଛନ୍ତି ।
ଅକ୍ଷୟ କୁମାରଙ୍କ ଭିଡିଓ ଗୀତର ଏହି ସଫଳତା ପାଇଁ ପ୍ରଶଂସକମାନେ ମଧ୍ୟ ଅନେକ ପ୍ରତିକ୍ରିୟା ଦେଉଛନ୍ତି । କହିବାକି ଅତୀତରେ ଖବର ଆସିଥିଲା ଯେ ‘ଫିଲହାଲ’ ଗୀତର ପରବର୍ତ୍ତୀ ସଂସ୍କରଣ ମଧ୍ୟ ହେବାକୁ ଯାଉଛି । ପଞ୍ଜାବୀ ଗାୟକ ତଥା ଅଭିନେତା ଏମି ବିର୍କ ନିଜର ଇନଷ୍ଟାଗ୍ରାମରେ ‘ଫିଲହାଲ’ ଟିମ ସହ ଏକ ଫଟୋ ସେୟାର କରିଥିଲେ, ଯେଉଁଥିରେ ଅକ୍ଷୟ କୁମାର, ନୁପୁର ସେନନ, ଜାନି ଏବଂ ଏମି ବିର୍କ ନଜର ଆସିଥିଲେ । ଆଶା କରାଯାଉଛି କି ଶୀଘ୍ର ‘ଫିଲହାଲ 2’ ରିଲିଜ୍ ହେବ ।
