India vs Sri Lanka 3rd ODI: ତିରୁବନନ୍ତପୁରମରେ ଖେଳାଯାଇଥିବା ତୃତୀୟ ODI ରେ ଟିମ୍ ଇଣ୍ଡିଆ ଇତିହାସ ସୃଷ୍ଟି କରିଛି । ଟିମ୍ ଇଣ୍ଡିଆ 317 ରନରେ ତୃତୀୟ ODI ଜିତିଛି । ଏହା ସହ ବର୍ତ୍ତମାନ ODI କ୍ରିକେଟ୍ ଇତିହାସରେ ଭାରତର ନାମ ସବୁଠାରୁ ବଡ ବିଜୟ ହାସଲ କରିବାର ରେକର୍ଡରେ ସ୍ଥାନ ପାଇଛି ।
ପ୍ରଥମେ ଖେଳି ଟିମ୍ ଇଣ୍ଡିଆ ବିରାଟ କୋହଲିଙ୍କ ଅପରାଜିତ 166 ଏବଂ ଶୁଭମାନ ଗିଲଙ୍କ 116 ରନ ଯୋଗୁଁ 50 ଓଭରରେ 5 ୱିକେଟରେ 390 ରନ୍ ସଂଗ୍ରହ କରିଥିଲା । ଏହାର ଜବାବରେ ଶ୍ରୀଲଙ୍କା ଦଳ ମାତ୍ର 73 ରନ୍ ସଂଗ୍ରହ କରିଥିଲା । ତେବେ ଶ୍ରୀଲଙ୍କାର ମାତ୍ର 9 ୱିକେଟ୍ ଖସିପଡିଛି, କାରଣ ସେମାନଙ୍କ ମଧ୍ୟରୁ ଜଣେ ଖେଳାଳି ଆହତ ହୋଇଥିଲେ, ତେଣୁ ଦଳର ସମସ୍ତଙ୍କୁ ଆଉଟ୍ ବୋଲି ବିବେଚନା କରାଯାଇଥିଲା । ODI କ୍ରିକେଟରେ ରନ୍ ଦୃଷ୍ଟିରୁ ଏହା ହେଉଛି ସବୁଠାରୁ ବଡ ବିଜୟ । ଏହାପୂର୍ବରୁ ନ୍ୟୁଜିଲ୍ୟାଣ୍ଡ 2008 ରେ ଆୟର୍ଲାଣ୍ଡ ବିପକ୍ଷରେ 290 ରନରେ ଜିତିଥିଲା ।
ଭାରତର ସାଂଘାତିକ ବୋଲିଂକୁ ଏହି କଥାରୁ ଆକଳନ କରାଯାଇପାରିବ କି, କେବଳ ଶ୍ରୀଲଙ୍କାର ତିନିଜଣ ବ୍ୟାଟ୍ସମ୍ୟାନ୍ ଦୁଇ ଅଙ୍କ ଅତିକ୍ରମ କରିପାରିଛନ୍ତି । ତିରୁବନନ୍ତପୁରମରେ ପ୍ରଥମେ ଟିମ୍ ଇଣ୍ଡିଆ ପାହାଡ଼ ଭଳି ସ୍କୋର କରିଥିଲା ଏବଂ ପରେ ମହମ୍ମଦ ସିରାଜ ନିଜର ମାରାତ୍ମକ ବୋଲିଂ ହେତୁ ଶ୍ରୀଲଙ୍କାକୁ ଆଣ୍ଠୁମାଡିବାକୁ ବାଧ୍ୟ କରିଥିଲା । 10 ଓଭରରେ ଗୋଟିଏ ମେଡେନ ସହିତ ସିରାଜ 32 ରନ୍ ଦେଇ ଚାରି ୱିକେଟ୍ ନେଇଥିଲେ । ଯେଉଁଠାରେ ମହମ୍ମଦ ଶାମି ଏବଂ କୁଲଦୀପ ଯାଦବଙ୍କୁ 2-2 ସଫଳତା ମିଳିଛି ।
ଓପନର୍ ନୁୱାନିଡୁ ଫର୍ନାଣ୍ଡୋ ଶ୍ରୀଲଙ୍କା ପାଇଁ ସର୍ବାଧିକ 19 ରନ୍ ସଂଗ୍ରହ କରିଥିଲେ । ଅଧିନାୟକ ଦାସୁନ୍ ଶନକା 11 ଏବଂ କସୁନ୍ ରଜିତା 13 ରନ୍ କରି ଆଉଟ୍ ହୋଇଥିଲେ । ଏହା ବ୍ୟତୀତ ଅଭିସ୍କା ଫର୍ନାଣ୍ଡୋ 01, କୁସାଲ ମେଣ୍ଡିସ୍ 04, ଚାରିଥ ଅସଲଙ୍କା 01, ୱାନିନ୍ଦୁ ହାସରଙ୍ଗା 01 ଏବଂ ଚମିକା କରୁଣାତ୍ନେ 01 ରନରେ ପାଭିଲିୟନକୁ ଫେରିଥିଲେ।
ଏହାପୂର୍ବରୁ ବିରାଟ କୋହଲି 110 ବଲରେ 166 ର ଏକ ଇନିଂସରେ ଟିମ୍ ଇଣ୍ଡିଆ 50 ଓଭରରେ 390 ରନ୍ ସଂଗ୍ରହ କରିଥିଲା । ଭାରତ ପାଇଁ କୋହଲିଙ୍କ ବ୍ୟତୀତ ଶୁଭମନ ଗିଲ ମଧ୍ୟ ଏକ ଶତକ ହାସଲ କରିଥିଲେ । ଯେଉଁଠାରେ କୋହଲି 13 ଚୌକା ଓ 8 ଛକା ମାରିଥିଲେ । ଏହି ସମୟରେ ଗିଲ 14 ଚୌକା ଓ ଦୁଇଟି ଛକା ମାରିଥିଲେ । ଏହା ବ୍ୟତୀତ ଅଧିନାୟକ ରୋହିତ ଶର୍ମା 42 ଏବଂ ଶ୍ରେୟସ ଆୟର 38 ରନ ସ୍କୋର କରିଥିଲେ ।
